2016年11月24日 星期四

【獨家專訪】大劉再轟呂麗君:面皮厚過恐龍皮,睇錢比生命重要 __,大劉,劉鑾雄,

資料圖片「劉甘戀」噚日有峰迴路轉嘅發展,大劉劉鑾雄同甘比喺上周五入紙註冊,即係3個月內就有名份,甘比火速升呢做劉太,而呂麗君知大劉再婚,態度亦軟化,向大劉送上祝福!點知今日有周刊稱大劉早前發聲明指呂麗君係超級富婆,但係唔少物業都未過手,「呂麗君」私人名下係冇物業喺手,現時呂麗君住嘅白加道大宅都係仲係大劉個名,呂麗君擁有嘅「Y1NGY1NG」、「1L0VEU」都係華置公司名下,周刊聲稱大劉嘅送禮只係 ...




其他影片:>>






「劉甘戀」噚日有峰迴路轉嘅發展,大劉劉鑾雄同甘比喺上周五入紙註冊,即係3個月內就有名份,甘比火速升呢做劉太,而呂麗君知大劉再婚,態度亦軟化,向大劉送上祝福!點知今日有周刊稱大劉早前發聲明指呂麗君係超級富婆,但係唔少物業都未過手,「呂麗君」私人名下係冇物業喺手,現時呂麗君住嘅白加道大宅都係仲係大劉個名,呂麗君擁有嘅「Y1NGY1NG」、「1L0VEU」都係華置公司名下,周刊聲稱大劉嘅送禮只係「掛名」,報道又話「大劉講過畀呂麗君十億現金」對唔番條數!又話大劉鍾情Hermès手袋,身邊女伴都係新款手袋,指據知手袋喺公開場合拎過出嚟用之後,就要放入大劉儲物櫃云云。報道就係咁講……(新聞連結:http://bit.ly/2gjx1Wg)大劉今日接受《蘋果》訪問,對於有報道指大劉收番送俾呂麗君嘅Hermès手袋,大劉就話:「我收番任何一個包包就絕子絕孫,我買Hermès用咗幾億,送畀呂麗君嘅Hermès超過200個。」大劉仲話由頭到尾,二人分手前,曾同居白建時道大宅,佢解釋當時係呂麗君將包包放喺佢個古董櫃,續言:「佢仲霸佔咗我個古董櫃,係佢自己擺,我有冇咁cheap,我會咁cheap就唔會畀20億佢,佢嗰20億係現金加珠寶都未計送俾佢不計其數嘅物業,佢唔好喺度混淆視聽。佢喺我身上學識買債券,佢一年獲債息都成億元,我俾佢嘅現金加珠寶都超過20億,係未計其他嘢,全部都有支票記錄。」大劉又話:「唔覺得呂麗君有咩家底,佢(呂麗君)爸爸有兩頭住家,送咗加拿大同灣仔壹環一個單位畀佢老竇同加拿大一個單位,兩間屋合共價值5、6千萬元,佢媽咪亦收咗壹環市價1900萬元嘅單位,我送畀佢嘅樓不計其數,不過佢成日炒賣套現。」問到有周刊將呂麗君同前妻寶詠琴都係咁強勢做女強人先俾大劉放棄,大劉話:「呂麗君係我眼中係一個百分百蠢人,呢頭講完,下一秒推翻,佢面皮厚過恐龍皮。」大劉更爆呂麗君:「呢個人睇錢比生命更重要,即係阿哥問佢借10萬,佢都可以走嚟叫我借,佢自己都有咁多錢。」大劉強調呂小姐唔好屈佢:「佢再屈我就掟個『深水炸彈』出嚟。」


來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...