【13：25更新】更新影片
【11：24】新增影片將軍澳日出康城的夜空，今日凌晨零時出現突然奇異強光，多道強光在空中打圈，惹起區內居民疑竇，有居民懷疑是「UFO」，遠至坑口田下灣村村民亦向《蘋果》反映，指有人用十幾道強光射上天。入伙不久的「峻瀅」住客表示「中伏了」，打破以往的寧靜，強光伴隨著一陣陣刺耳的音響，「對到正，完全瞓唔到」。警方表示接獲多個市民報案，曾派員到上址邵氏影城了解，原來片場內正進行拍攝工作，遂向攝製隊發警告，惟對方依舊拍至凌晨近3時才收廠。現場是將軍澳環保大道百勝角邵氏將軍澳影城，空地內搭有一個大型舞台，遠處望去，約有12名工作人員在舞台上忙個不停。據悉，拍攝工作於昨晚9時開始，場內至少有10盞超光大射燈不斷轉動，不時射向天空，強光在雲層間打圈「遊走」，惹來附近居民誤以為是UFO。據了解，拍攝期間有人以「大聲公」叫喊，並夾雜有普通話及粵語，亦不時播出高分貝的音響。相距約300米的「峻瀅」首當其衝，強光加音樂一浪浪傳過去。「打破晒向山戶一向的寧靜」，有「峻瀅」居民訴苦，稱選擇在夜晚拍戲，擾人清夢，「12點幾喺度播歌玩射燈，唔使瞓咩！」多名居民亦致電警方投訴。家住峻瀅第5座的鄭先生亦指，凌晨見有關強光不時射向其屋苑，「有綠色燈，有黃色燈，照到入屋，落咗窗簾都閃吓閃吓。」他認為對方理應在晚上11時關上所有射燈，「去到1點都仲係咁，打咗電話報警先收歛，熄咗啲射燈。」警方發言人指，今日凌晨有警員到片場調查，獲悉有人在進行拍攝，遂向他們發出警告，至凌晨近3時，拍攝工作始告完成。根據資料，上址影城於2008年9月全面投入運作，主要為電影製作的場所。邵氏影城的職員回覆《蘋果》查詢時表示，正了解事件。《蘋果》亦向環保署查詢事件，等候回覆。【將軍澳居民點睇】
Jethro Tam：12點幾喺度播歌玩射燈，唔洗瞓牙？！
Fina Cheung：峻瀅向山戶無得瞓揮手區。
Chiu Yeung：幻彩耀香芒。
Philip Tsang：對到正丶完全瞓唔到。
Fina Cheung：最慘愈夜愈嘈。
Jethro Tam：見到好多人企喺台上面應該係開緊show，但依家已經1點，警察去咗邊？
Doris Ko：以為停咗一陣冇咗，而家又繼續。
葉德浩：唔怪得之啦，我坑口村都睇到呀。想睇最新消息？ 即時follow【現場－蘋果突發】fb！http://fb.com/applecitycrime
| 將軍澳夜空雲層有多道強光遊走。(讀者提供圖片) | | |
| | |
|
鍾意就快D Share啦！
|
|
|
