掃呢頁CODE去手機

2016年11月21日 星期一

現真身認佗B女 吳若希自爆畀人禁足 __,吳若希,

吳若希現真身認佗B女!歌手吳若希(Jinny)近日傳出懷孕消息,日前身在外地的她上載一張半身兼留言:「幸福的事要發生了。」事後,Jinny前經理人Simon證實吳若希有喜3個月,而《東網》昨日更獨家捕獲Jinny回港!而今日她就接受TVB的獨家專訪,開腔回應將為人母的喜訊。認佗B女Jinny:呢件開心事係我就嚟做媽媽喇!多謝大家,因為陸陸續續有啲傳言出咗嚟,有真有假,大部分唔係經我口出,咁我都想同 ...


吳若希現真身認佗B女!

歌手吳若希(Jinny)近日傳出懷孕消息,日前身在外地的她上載一張半身兼留言:「幸福的事要發生了。」事後,Jinny前經理人Simon證實吳若希有喜3個月,而《東網》昨日更獨家捕獲Jinny回港!而今日她就接受TVB的獨家專訪,開腔回應將為人母的喜訊。

認佗B女

Jinny:呢件開心事係我就嚟做媽媽喇!多謝大家,因為陸陸續續有啲傳言出咗嚟,有真有假,大部分唔係經我口出,咁我都想同大家講清楚,我可以好開心咁接受大家祝福喇。

主持:BB性別?

Jinny:上個星期先知,係女嚟,BB爸爸同我都冇話特別鍾意男仔定女仔,只要係自己小朋友,只要健康就足夠。

原本唔想公布有喜

主持:依家幾個月?

Jinny:依家啱啱三個月,你問我想唔想公布,我又真係唔係幾想,但始終外界有咁多關注、猜測嘅時候,我都要出番嚟講聲,始終我知自己係公眾人物,我未有身孕前已同老闆請咗一段時間假,嗰時抱住休息心態,唔想有太多新聞去影響自己生活,但好多開心嘢陸續發生,好希望將呢件事真正由我把口講出嚟。

主持:預產期?

Jinny:我又冇問到醫生,應該係5月頭,有機會同我同一月份出世,希望佢可以精靈啲。

畀BB爸爸禁足

主持:依家胃口?

Jinny:胃口?好食得,其實有冇BB我都好食得!(有咩變化?)有BB其實自己冇咩嘢嘅,反而你會見到身邊好多人會好緊張,叫我「小心啲,得唔得架?唔好舉手」咁樣,突然多咗好多關心咁。

主持:BB爸爸叫你小心?

Jinny:佢有,依家成日唔畀我出街囉,但我原本休息係想打理自己生意,開舖頭,但依家好多嘢要交託畀佢做。

主持:停工唔關BB事?

Jinny:唔關,未知嘅,但都係一個喜訊,所有嘢可以繼續進行,因為自己冇諗過生完BB後要做嘢定點嘅,所以應該等到生完BB後,自己Keep番fit啦,就會番出嚟繼續唱歌,做吓event,拍吓鍾意嘅嘢!

__________________________

想聽歌?想睇MTV?想了解本地Indie Band資訊

快啲click入「聲大夾樂」專頁: http://on.cc/musicon


來源 source: http://hk.on.cc
鍾意就快D Share啦!