楊冪於上周五播放嘅大陸真人騷節目《真正男子漢》第二季，因為囡囡小糯米一句「I love you」而飛奔返香港湊女，真係好感動啊！(新聞連結：http://bit.ly/2fBLT1C )正當大家都為呢對母女嘅真情而感動之際，今日大陸有網站就爆出小糯米嘅爸爸劉愷威，同大陸女演員王鷗過從甚密喎，唔通佢同楊冪嘅婚姻真係出咗問題！大陸網站嘅報道指，上月13號生日嘅劉愷威，就係新疆克拉瑪依同王鷗正在趕拍新劇《莽荒紀》，咁就冇機會同老婆楊冪、囡囡小糯米一齊慶祝佢嘅42歲生日，但老婆都好例牌咁喺微博留言送上祝福，仲俾眼利嘅網民發現佢連續三年都係留同一句祝福添！(新聞連結：http://bit.ly/2eKxilb )原來愷威喺新疆過生日就一啲都唔寂寞，當日劇組就為佢準備咗一個生日蛋糕慶祝，同劇嘅王鷗好體貼咁幫佢戴上小王冠嘅帽，好似幼稚園小朋友開生日會咁開心。咁又難怪嘅……佢哋原來拍攝呢套《莽荒記》前，已經合作過另一套劇集《周末父母》，一年有成五個月時間一齊拍戲，講真比起劉愷威同楊冪相處嘅時間更加長，關係亦唔錯。之後一日，由於當地有大風沙，所以劇組休息一日，而大陸傳媒就影到王鷗嘅助手準備咗好多蔬菜同零食，準備喺酒店房開大食會，至當晚8時許，劉愷威就走到王鷗嘅房，同一大班工作人員歡聚。其實呢啲情況都唔奇怪，因為佢哋拍攝《周末父母》時都有同一大班工作人員打邊爐。之不過，食完嘢後，各自返回房間後，翌日(15號)二人如常開工，當晚7點左右，王鷗由助手陪佢返酒店房，跟住助手就走人，得番王鷗一個喺度，過咗個半鐘，劉愷威就鬼祟咁行去王鷗間房，逗留咗四個鐘先走返去自己房，一男一女共處一室。唔知做咩呢？
|
鍾意就快D Share啦！
|
|
|