【爆相爆片】林嘉欣走開五分鐘 兩女公園爬上爬落
■林嘉欣提醒囡囡不可弄到其他小朋友，非常有家教。
讀者提供圖片
■林嘉欣一度離開兩女，她臨行前不忘提長女照顧妹妹。
讀者提供圖片
■嘉欣囡囡好活潑，站在離地幾呎高的設施上都不怕。
讀者提供圖片
現年38歲的金馬獎影后林嘉欣，6年前下嫁導演袁劍偉，婚後生了兩名囡囡，分別是6歲的Kayla和3歲的Sofie，一家四口樂也融融，靚媽咪林嘉欣婚後以家庭為重，不時親力親為照顧女兒。
有讀者陳小姐透過《蘋果》的「爆相爆片」，分享了林嘉欣日前黃昏帶同女兒到淺水灣公園玩樂情況。當日傍晚6時左右，陳小姐發現林嘉欣帶着兩名女兒出動，三母女去公園享親子樂，未見老公袁劍偉或家傭同行。兩姊妹都穿上姊妹裝，相信是媽咪刻意打扮，反而媽咪林嘉欣就素顏便服look。
叫大女照顧妹妹陳小姐前晚在電話中說：「兩姊妹當時好活躍，佢哋喺公園設施上面爬上爬落，又跳嚟跳去，但嘉欣就一啲都唔緊張，只係用英文叫兩個囡囡小心啲，唔好整到其他小朋友。兩個囡囡玩玩吓，嘉欣就同大女講咗幾句，應該係叫家姐睇實妹妹，佢就離開咗兩個小朋友約5分鐘，之後先再番嚟。」陳小姐指當時天色偏暗，畢竟兩個小朋友年紀太細，當林嘉欣行開後，兩姊妹都各有各玩，所以有一定危險性，幸好最後兩姊妹都平安沒事。
■近月擔任藝術展策劃人的林嘉欣，一有時間就到場助陣。
互聯網圖片
林嘉欣跟兩女關係親近，她有空必貼身照顧，甚少假手於人，前年就孖老公袁劍偉帶着大女Kayla去到金鐘「雨傘運動」現場，她拖着囡囡行政總樓梯，然後給囡囡講解市民貼在牆上的字條，希望囡囡將來長大後，可以有獨立思想。
採訪：王梓嫚
來源 source: http://hkm.appledaily.com
|
鍾意就快D Share啦！
|
|
|
