掃呢頁CODE去手機

2016年11月14日 星期一

娛樂專題:糖妹窮得開心 莊思敏缺父愛 __,糖妹,莊思敏,

呢對組合,有睇頭!模特兒出身的莊思敏身形高挑,於馬來西亞出生的她貴為拿督女兒,有財有樣有身材,堪稱人生勝利組。身高只得149cm的黃山怡(糖妹)與糖兄(潘雲峰)以組合糖兄妹出道,即被爆家住深水埗。莊思敏坦言童年時很少與富爸爸同枱食飯,糖妹則稱雖然家境不好,但窮得開心。兩個身高、家底、性格截然不同的人,於合拍的無綫劇集《幕後玩家》來個形象大逆轉!莊思敏棄女強人形象,飾演無知被騙財的師奶仔,糖妹則收起 ...




其他影片:>>






呢對組合,有睇頭!

模特兒出身的莊思敏身形高挑,於馬來西亞出生的她貴為拿督女兒,有財有樣有身材,堪稱人生勝利組。身高只得149cm的黃山怡(糖妹)與糖兄(潘雲峰)以組合糖兄妹出道,即被爆家住深水埗。莊思敏坦言童年時很少與富爸爸同枱食飯,糖妹則稱雖然家境不好,但窮得開心。兩個身高、家底、性格截然不同的人,於合拍的無綫劇集《幕後玩家》來個形象大逆轉!莊思敏棄女強人形象,飾演無知被騙財的師奶仔,糖妹則收起可愛,做黃宗澤的得力助手,紮起馬尾做女強人。

莊:莊思敏

糖:糖妹

現實VS拍劇

莊思敏因為外形關係多演女強人、個性強悍的角色,例如在《潮流教主》飾演時尚雜誌的編輯, 相反糖妹則是「細路女」,拍攝劇集《女人俱樂部》飾演葉蘊儀的年輕版,然而現實中,二人的個性又是否與螢幕形象一樣?

莊: 喺《幕後玩家》第一次做師奶仔,都幾好玩,冇咩壓力又唔使顧儀態, 出到嚟好多表情。其實今次角色真係同自己性格係完全唔同。

糖:你係一個好講義氣、溝通能力好嘅人,係一個易交心嘅朋友。

莊: 你個樣好cute, 但其實真係唔kai,係怕醜啲、內斂啲,劇入面嘅角色其實似你真實個性。

糖:係呀,以前就要成日chok cute樣出嚟,今次做女強人都係第一次,可能係監製見我有呢種特質,先搵我做呢個角色。

高挑VS細妹

莊思敏與糖妹,前者1米77,後者1米49,足足相差近30cm,二人身高上的差距,會否令她們看待事物有不一樣的觀點?生活模式與習慣又有何不同?

莊:我由讀書嗰陣已經比同學高,高嘅人望嘅嘢會遠啲,仲會見到人哋個地中海。

糖:我睇嘅嘢就近啲,會見到人哋個pat pat大啲。

莊:矮啲好㗎,望落去都後生啲,又好似需要人保護咁,多啲人追。

糖:但係我dry咗好多年不過矮就真係多啲人錫,但係家教就會嚴啲。以前同糖兄去做騷,我成日叫佢唔好幫我拎結他,結果有一次被人影到我拎住好多嘢, 嗰個畫面原來真係幾「呢hea」㗎。

莊:你咪好囉, 有人幫你拎嘢,我呀, 咩都要自己拎, 啲人覺得我牛高馬大就好大力。

富貴VS平民

莊思敏甫出道就被揭爸爸是馬來西亞拿督,坐擁8億身家。相反糖妹家住深水埗, 連「小康之家」也稱不上。前者有個富爸爸,後者則撐起頭家,二人對錢的定義有否因為家庭背景而有所不同?

莊:其實冇得介意人哋話我係富家女,家庭背景係冇得改變,但係我會比其他人付出更大努力。初初出道嗰陣,有啲人講到明唔會搵我做嘢, 原因係「你都唔等錢使!」、「唔好call你做啦,個job咁少錢!」係連機會都唔畀我。我用好長時間去證明我係用心工作嘅人,依家啲人反而話「早知搵你做啦,你咁爛做!」

糖:唔止初出道,我依家都係住深水埗。都只係一個地區啫,我又唔介意人哋點講,同街坊熟買嘢仲平兩蚊添。雖然我屋企連小康都稱唔上,依家頭家都需要我撐,但係由細到大都覺得大咗就要養家,所以係理所當然嘅事。

莊:屋企有錢嘅代價就係家庭關係會疏離啲,因為爸爸要顧工作。我六年級嗰陣,同同學傾傾吓電話,佢話佢爸爸返到屋企要一齊食飯,我先知原來爸爸係會返屋企食飯。我哋幾姊妹幾多歲,爸爸都唔係咁清楚。仲試過爸爸接唔到細佬放學,先知道細佬已經由小學升咗中學。

糖:我哋家庭觀念會重啲,媽媽係家庭主婦,成家人晚晚都會一齊食飯。其實我冇諗過如果屋企有錢會點,因為錢對我嚟講唔係最重要,最重要係健康,我第一日入行就買齊全家保險,有咩事都有錢醫我就OK 。

成熟VS可愛

高挑與成熟、的骰與可愛,似乎是一種連帶關係,高挑的女性只要一走出來就會散發成熟的味道,相反嬌小的女生就一定可愛、需要人幫助,二人是認同還是討厭?

莊:可能我係大女嘅關係,性格會硬淨啲,因為有一種要照顧細佬妹嘅責任。我初初做freelance model,接job開工我都係一手一腳搞哂,所以獨立啲。

糖:其實我只係外形好似好cute, 但我有個細佬, 同我差11 年,好似多咗個仔咁,有一種要睇住佢嘅責任心,所以我個性係好獨立。

莊:依家成熟咗,反而唔係好頂得順啲扮可愛嘅女仔,可能男仔先受落。

__________________________

想聽歌?想睇MTV?想了解本地Indie Band資訊

快啲click入「聲大夾樂」專頁: http://on.cc/musicon


來源 source: http://hk.on.cc
鍾意就快D Share啦!