掃呢頁CODE去手機

2016年11月4日 星期五

【獨家】分手後打回原型 樂瞳坐港鐵嬲爆爆? __,港鐵,樂瞳,

近排樂瞳頭頭碰著黑,先係有傳佢同金融男友分手,係因為佢識咗一個富二代,最近仲有傳佢因為太高調,搞到戀情見光即死,不過事後樂瞳話只係朋友關係,大家幻想太多。(新聞連結:http://bit.ly/2eXYRIB)噚日有讀者徐先生,透過本報「爆相爆片」話喺見到樂瞳坐港鐵,嗰陣佢由中環開始講電話,一直到美孚都未收線,兼且佢仲全程嬲爆爆添!徐先生仲話嗰陣係放工時間,地鐵車廂好多人,不過唔知係咪因為佢素顏, ...


近排樂瞳頭頭碰著黑,先係有傳佢同金融男友分手,係因為佢識咗一個富二代,最近仲有傳佢因為太高調,搞到戀情見光即死,不過事後樂瞳話只係朋友關係,大家幻想太多。(新聞連結:http://bit.ly/2eXYRIB)噚日有讀者徐先生,透過本報「爆相爆片」話喺見到樂瞳坐港鐵,嗰陣佢由中環開始講電話,一直到美孚都未收線,兼且佢仲全程嬲爆爆添!徐先生仲話嗰陣係放工時間,地鐵車廂好多人,不過唔知係咪因為佢素顏,所以認得佢嘅人唔多。事後樂瞳接受《蘋果》訪問,佢話冇諗過自己搭地鐵都會俾人影,至於嬲爆爆講電話,佢就話:「點會呀?我只係啱啱做完運動,成個人都好攰,所以咪冇乜表情啫!」之不過近排因為關愛座呢樣嘢,搞到好多爭議,有人直言話就算乘客疏落都唔敢坐,費事俾人喺網上公審,樂瞳話:「我平時都會搭地鐵,但係關愛座我一定唔會坐,留俾啲有需要嘅人,不過就算我坐其他位,見到有需要嘅人,我都會9秒9彈起身。」嗯!咁就乖豬喇!

樂瞳喺港鐵由中環開始講電話,一直到美孚都未收線,睇落佢全程嬲爆爆(照片由讀者徐先生提供) 樂瞳面紅紅,佢就解場釋因為做完運動(照片由讀者徐先生提供) 樂瞳不時喺fb、ig同微博貼相嘆世界

來源 source: http://s.nextmedia.com
鍾意就快D Share啦!