大劉劉鑾雄同甘比被爆11.18入紙註冊結婚，一紙婚書在手，準劉太甘比喺地位上，無疑比大劉任何一個女友高。至於近日坊間一直關注大劉嘅財產分配，由於今日事情有新發展，若然將來喺遺產分配上有爭拗，究竟配偶、女友、生子女或女友子女，喺遺產繼承究竟有冇分別？身為律師嘅立法會議員謝偉俊回應《蘋果》時就話：「如果有立遺囑，就會以遺囑為主，若果喺遺囑入面，講明女朋友冇得分，咁女友係冇法律地位，完全冇保障，有可能一蚊都分唔到！」至於女友所生嘅子女，謝偉俊話要睇番當事人本身有冇照顧開佢哋，如果有實際需要，女友可以向法庭申請濟助，保障仔女嘅生活。謝偉俊强調非婚生子女喺法律上，同樣享有作為仔女嘅基本權利。據謝偉俊表示，若果當事人冇立遺囑，配偶係有優先權處理遺產承辦權。至於陸偉雄大律師亦指，有遺囑嘅話，係唔需要理會身份，遺產想俾邊個，關係唔重要，反之冇遺囑嘅話，配偶就係遺囑受益人，因為喺法律觀念上，夫婦係成為一體，之後先會到子女、父母或兄弟姊妹。
來源 source: http://s.nextmedia.com
|
鍾意就快D Share啦！
|
|
|