藝人方力申（小方）以復明大使身份出席護眼活動，並即場驗眼。受訪時，他表示是應眼科醫生的邀請擔任大使，談到有何護眼心得？他笑說：「唔應該睇就唔睇，太鹹嘅嘢就唔好，食得太鹹都唔好啦，同埋唔好成日睇電話。」又指有一位前輩教了他一套護眼操：「合埋眼眼球360度逆時針轉，可以拉緊眼球肌肉，同埋冇咁早老花，有時眼好攰都真係有用。」問到可有教緋聞女友何超蓮這套護眼操？他說：「冇，我今日先第一次同大家講。」
認同Stephy不嬲都襯
提到舊愛鄧麗欣（Stephy）受訪時表示與他沒有聯絡，但希望與他做回朋友，小方說：「我有留意，我不嬲都冇話唔係朋友，冇見冇聯絡啫，但好多嘢在心中，君子之交淡如水。（你主動啲？）留番畀我哋私下四四六六拆掂佢啦，無謂擺上枱講。由3月開始到依家啲新聞都唔係咁開心，無謂到依家再糾纏搵唔搵、friend唔friend，我哋自己會處理，總之由始至於我哋冇話唔係朋友，我仍然非常關心佢嘅嘢，睇佢啲新聞，又會喺公司八吓佢啲嘢。（佢話同你襯？）唔使依家先講，不嬲都襯啦。」
唔講超蓮
再提到超蓮已飛到澳洲工作，他就笑謂對方已「過去澳洲」即是「過去」的事：「佢過咗去即係past tense，即係唔使講啦。（仲有聯絡？）朋友嚟，唔會冇聯絡，我哋去完尼泊爾探訪，之後都有後期工作要做。」
拉埋沙律落水
方力申又指自己太多緋聞女友，大家不能逐一問。當記者表示他與超蓮的緋聞最似真時，小方即笑說：「我同沙律（張沛樂）唔襯咩？我食沙律㗎喎，好健康。」再提到Stephy指他專一，他笑言大家有目共睹：「我行得正企得正，咁多大使你估亂搵㗎咩，防止小三協會或者婦女協會都可以搵我做大使！」
__________________________
想聽歌？想睇MTV？想了解本地Indie Band資訊
快啲click入「聲大夾樂」專頁： http://on.cc/musicon
|
鍾意就快D Share啦！
|
|
|
