早前有流動裝置數據研究公司發表數據，指通訊程式WhatsApp滲透率在香港達96%，這款贏盡港人歡心的通訊程式，日前推出了視像通話(Video Call)的新功能，雖較其他通訊軟件遲推出，但亦引起用家迴響，由於WhatsApp使用程度極為普遍，有人擔心新功能會成為一種另類的監察工具，挑戰人與人之間關係。
當視像通話打來，究竟接聽還是拒絕，相信是不少人腦海浮現的問題，一眾WhatsApp用家都議論紛紛，擔心視像通話會成為伴侶、家人及老細的檢查行蹤工具，隨時洩露個人私隱，「偷緊情女朋友打來點算？」「蛇王時老細打嚟聽唔聽？」「唔返屋企時阿媽急Call點回應？」正所謂聽又死，唔聽又引起懷疑。東網記者蒐集各種Video Call的可能用途，訪問市民意見，暫時大部分用家都說未打算使用。
大學生Amanda對WhatsApp視像通話功能「耍手擰頭」，「我唔會用，更唔會用嚟Check住佢（男朋友），面對面會比較好」。大專畢業生黃小姐表示，用視像通話「好突兀」，平時與外地朋友才會使用，而且擔心前置鏡頭會洩露私隱，所以如非必要都不會使用。
同為大學生的情侶林小姐和佘先生就指「打電話得喇，唔使Video Call」，坦言「冇有怕」。林小姐就問男友：「你會唔會用？」佘先生回應：「唔會呀？」林小姐說：「我都唔會。」二人都同意因為信任，所以不會互相檢查。市民王先生則表示，用視像通話需視乎對象，但就不會用來檢查女朋友位置，「如果係Check都唔會聽啦」。
至於真的收到Video Call的話，有人選擇拒接。「如果（朋友）視像打嚟我會用電話打番畀佢」大專畢業生袁先生直言。若老細以視像電話打來，打工仔袁先生「教路」續稱，「我會搵個Plain（清靜）嘅位先會聽，唔通我喺酒吧都畀佢知咩。」任職護士的梁先生就指，自己會選擇性接聽老細的視像電話，因為有一定壓力。
臨床心理學家鄒凱詩就表示，科技可加緊人的聯繫，但又會產生不同程度的問題，要懂得平衡。就WhatsApp的新功能，鄒凱詩指不要濫用，要信任及給予對方私人空間，「唔會24小時要知道對方做緊咩」，才能維持一段健康關係。如果對方來電時要隱瞞和逃避，那新功能只是催化劑，要好好檢視一下中間關係了。
|
鍾意就快D Share啦！
|
|
|