現年42歲、94年亞姐季軍曹央雲，出身時同媽咪住將軍澳寶林邨公屋，男友非富則貴，從中學習不少投資之道，加上眼光不錯，故8年前與上市公司主席何永安分手後，獨力湊兩個女的曹央雲，母兼父職，一樣投資有道，為兩女提供最好的生活，近日更有報道指曹央雲坐擁逾7億資產。曹央雲被揭是小富婆之後，其63歲、住寶林公屋的生母霍秀菊突然現身，訴苦謂多年來一直母女不和，關係疏離，更悲嘆母女斷交7年，曹央雲就連WhatsApp和微信都封鎖了生母，曹母痛心謂：「我依家好掛住個孫女，佢細女出世都冇畀我見過！」日前曹母在其寶林邨寓所接受《蘋果》訪問，哭訴母女不和內情。曹母表示，自從09年與曹央雲爭執後，母女斷交，過去7年一直不瞅不睬，曹央雲甚至連同母異父的胞妹和胞弟都沒有聯絡：「佢03年同何生(何永安)生咗大女Audrey，我仲去大宅同佢湊女坐月。我依家好掛住個孫女，佢細女出世都冇畀我見過，人哋話我同細孫女生得似樣，我應該冇佢咁白。」說到這裡，曹母已涕泗縱橫。曹央雲6歲那年，由母親帶她由寧波來港生活，曹母憶述當年一家人只是住木屋，做雜工湊大女兒。曹央雲有一妹一弟，全部係同母異父，據知曹央雲與生父亦沒有聯絡，小時從母改嫁，由後父供養；至94年選亞姐，曹央雲命運從此改寫。母女反目原由將於另文細述，斷交後，母女儼如老死不相往還。曹母謂前年在酒樓工作時弄傷腰，去年在家中洗手間跌倒，傷及右肩，加上腰患難癒，要做物理治療，出入仍需用柺杖，更喪失工作力:「成日坐同行都痹，依家酒樓又執咗笠，我連糧都追唔到，身體差到做唔到part time，一家三口冇收入。」現任丈夫之前有做散工，但早前燒桿被灼傷雙腳，無奈停工；至於現年31歲的幼子，十多年前獲曹央雲出錢到加拿大升學，但回港後份份工都做唔長：「細佬耳仔天生失聰，老闆話佢聽唔到炒佢，依家都冇做工。」如今曹母月領$1,900傷殘津貼，加上二女月付$3,000家用，一家三口靠積蓄為生。曹母痛心地謂：「我想你哋問下曹央雲，我有乜嘢對佢唔住？佢話我窮，我都唔想㗎！佢選亞姐之前咪又喺住呢度！09年我同佢嗌咗一場交，佢猛話：『你知唔知我哋係兩個世界嘅人？』，佢講一次、兩次我都扮聽唔到，到講到第三第四次，我頂唔順！」「我話我哋係母女，點解唔同世界？你都係我一手湊大，佢6歲我帶佢由寧波嚟香港，點解佢咁狠心？微信同WhatsApp都封咗我，到底有乜咁深仇大恨？我認我係農村出嚟，我係住公屋，我係讀書讀得少，但你都唔可以咁對我！」生活捉襟見肘，幸好所住的公屋於04年早以24萬購下，省下一筆。曹母說到這裡，忽然垂首撥髮給記者看：「你睇我頭皮、頭髮都白晒。我想問下佢，點解會咁憎我，唔係一定要佢養，我好辛苦養大佢！」
|
鍾意就快D Share啦！
|
|
|