【新增回應】57歲向華強太太陳嵐曾喺2004年發現患腦腫瘤，幸好經過治療後康復過來，不過今朝佢忽然喺微博留言，透露目前心情好感慨。原來向太今日會接受心臟手術，貼咗好多家庭照及同朋友嘅合照，再留言話：「今天特別感慨萬千，下午會做，就突然發現太多事還沒做完，還沒看到兒子結婚生孩子，還有兩幢建築工程沒完成，還有婚紗照沒有拍過，還答應過老公大家雖然不是同年同月同日生，但是要走時一起同時走的。所以自己要加油哦！不可以食言哦！不過大家放心我以前天不怕地不怕，現在此刻我貪生怕死，因為你們（所有朋友及粉絲）的愛，令我眷戀著，我們還要玩三十年再說吧！」中國星發言人李小姐今日接受《蘋果》訪問，佢話：「因為佢有條血管塞咗，所以接受通波仔手術，休息1、2日就可以出院，之前佢都做過同類手術，今日有好多朋友慰問同祝福，向太都一一收到啦，多謝大家關心。」
| 向太今日喺微博留言話會接受心臟手術。 | | |
來源 source: http://s.nextmedia.com
|
鍾意就快D Share啦！
|
|
|