嘩！李逸朗都好搏喎！
藝人楊思琦、李逸朗主演的網絡電影《神探茄哩啡》現已播放，而且外界反應亦相當不俗。有份擔綱演出的楊思琦坦言知道電影首播後反應很好，首24小時已過150萬點擊，現時已過300萬點擊，成績相當滿意。思琦謂：「今次係全香港班底製作，身兼導演、演員嘅李逸朗都好滿意，話遲啲約埋大家一齊開心搞慶功。」思琦又表示此片是一部搞笑的懸疑片，會穿越時空。片中她的造型搞笑，更有口吃習慣，她笑言：「都好搞笑，劇中我有口吃，之後其他演員講嘢都學晒我個tone！」
首執導遇重大難關
而自導自演的李逸朗（Don）接受電話訪問時直言非常驚喜：「因為要收費先睇到，呢個反應已經好滿足，冇諗之後點擊率會去到邊，特別多謝一班台前幕後，套戲只係拍咗八日，樣樣都急趕！大家日日陪我OT，呢次係我第一次做導演，學到好多嘢！」講到最難忘的事，Don表示是拍攝前四日，屋主才拒絕借屋拍攝，大家都大為慌張，Don即建議搭建廠景，最終黃天不負有心人完成拍攝：「為咗改做廠景特登要改劇本，最終克服咗難題，好多謝一班手足！」
揚言下部新片要「挖內臟」
Don又點名多謝資深電影人、監製王炳雄助他完成處女作：「可以話係我恩師，我演出嘅時間，佢幫我處理晒所有事。另外就係女主角思琦，佢嗰排要出埠登台，但知我第一次執導，都騰咗兩、三日檔期畀我。」講到《神》片Don有裸跑露股戲，問下一部作品會否更激？他笑說：「咁要挖埋內臟喎！哈哈！咁講剛剛自導自演完成第二部作品，拍攝技術上一定比《神》更好。」
來源 source: http://hk.on.cc
|
鍾意就快D Share啦！
|
|
|
