前港姐梁小冰出席首映禮，她表示去了上海主題公園遊玩，期間係咁叫搞到聲沙沙。早前，小冰與陳法蓉因一件外套，搞到不和，問到二人有否聯絡？她表示：「唔講喇，啲朋友好好，轉移晒唔提，又氹我開心，慢慢忘記唔開心。」
寸搵錯對手
小冰表示經過「外套事件」後覺得慧妍雅集不適合自己，有陰影而且有壓力：「我好驚下次啲甲油、頭髮、口紅、鞋唔啱規矩而有人出嚟話我，怕影響個會，唔想畀人話。（退會？）係，email 咗。」問到陳法蓉有否道歉？她直言：「你覺得有可能咩，佢到依刻都覺得冇問題，對佢嚟講係災難！佢嗰刻知我唔開心，有意又好，冇意又好，對我講，omg語氣重咗，過嚟拍我攬我一吓，講聲唔好意思，我乜嘢都冇，好易處理一件事。佢為面子又好，咁樣同我開拖，喺細嘅面前有個下馬威，原來佢搵錯對手，揀錯對象，做咗呢場戲收唔到科，落唔到台，我畀個台佢落番嚟，我退出，始終人哋地頭，尊重番佢，佢可以喺佢平台繼續做戲，呢個係完滿解決方法！」
搵牧師做和事老
問到下次同場會否避開？小冰直言：「我真係驚咗，大家唔好怪我小題大做，我真性情，一個朋友嚇親我，我唔知點樣再做到朋友，但唔係敵人，咁多年對佢都冇唔好嘅印象。」她表示身邊有朋友叫她放低寬恕，媽咪都表示得饒人處且饒人，又謂要檢討自己剛烈性格：「我30年都忍耐，今次之後提醒自己畀人踩都好，喊就返屋企喊，痛就返屋企先嗌痛，但唔知點解今次特別痛，所以嗌出嚟。」提到會否找人斡旋？她坦言有想過，但要時間，而且要找德高望重兼中立的牧師：「心結有方法解，大家要冷靜先，佢都唔好受。（解決前同場就唔去？）一般見唔到佢，幾十年都冇試過同場，我會驚驚，遠遠見到佢好似見隻曱甴咁，快啲掉頭走，驚自己係咁反應。」問到二人是朋友？她表示朋友分好多層次，未算是朋友但不是敵人，以前從沒在傳媒前說她壞話。
__________________________
想聽歌？想睇MTV？想了解本地Indie Band資訊
快啲click入「聲大夾樂」專頁： http://on.cc/musicon
|
鍾意就快D Share啦！
|
|
|
