恭喜晒！
有娛樂圈「處女黨」成員之稱嘅32歲藝人岑麗香（香香），與圈外男友強強（Joshua）拍拖一年多感情穩定，兩人近期一直傳出婚訊。今日下晝，香香透過社交網站宣布與強強拉埋天窗，佢留言：「我好感恩終於可以同大家宣佈（布），上帝畀我搵到我嘅Mr.Right 喇！多年前我哋喺溫哥華因為工作關係而認識，但自此並冇聯繫⋯估唔到多年之後，喺朋友嘅介紹下，我哋再次遇上⋯強強（Joshua）由朋友變成我男朋友，而到今日，成為我未婚夫！ 😁能夠同自己嘅心靈伴侶結婚，係一種幸福，我哋好期待踏上人生另一個階段，可以一同經歷神一齊成長。感謝我嘅家人、朋友、弟兄姊妹、同事一路幫我哋保持低調同保守秘密，多謝觀眾同粉絲朋友們一直嘅支持同祝福！感謝傳媒朋友一路以來對我嘅關心同鼓勵，拍拖之後你哋都好照顧強強😘
大日子快到了，宜（依）家忙於準備，請體諒我未必可以完全回覆到大家😊。好感謝大家😊你們的祝福我哋完全收到晒😄！ 主祝福你哋💛」相中見香香無名指戴上巨型鑽戒，認真閃爆！
香香貴為2010年國際中華小姐及2009年溫哥華華裔小姐嘅冠軍，一直深得宅男歡心，強強今次可以娶到佢，真係好有福氣呀！
__________________________
想聽歌？想睇MTV？想了解本地Indie Band資訊
快啲click入「聲大夾樂」專頁： http://on.cc/musicon
來源 source: http://hk.on.cc
|
鍾意就快D Share啦！
|
|
|
