掃呢頁CODE去手機

2016年12月2日 星期五

【最期待嘅...】分手後首碰面 小方Stephy今日為慈善焗住同場 __,Stephy,方力申,小方,鄧麗欣,

【短片】【最期待嘅...】分手後首碰面小方Stephy今日為慈善焗住同場2016-12-0200:02:00HKT上年3日小方同Stephy仲係以情侶檔出席活動小方就會遲啲現身而今日Stephy會到先,完成儀式即撇而佢哋嘅原因都係以工作為由方力申同鄧麗欣(Stephy)喺3月發表分手宣言,兩人嘅十年情玩完!話晒都拍咗十年拖,分手後出席活動少不免會問及舊愛,而佢哋不時喺活動隔空對話,Stephy仲話 ...


【短片】【最期待嘅...】分手後首碰面 小方Stephy今日為慈善焗住同場

2016-12-02 00:02:00 HKT





上年3日小方同Stephy仲係以情侶檔出席活動



小方就會遲啲現身



而今日Stephy會到先,完成儀式即撇



而佢哋嘅原因都係以工作為由

方力申同鄧麗欣(Stephy)喺3月發表分手宣言,兩人嘅十年情玩完!話晒都拍咗十年拖,分手後出席活動少不免會問及舊愛,而佢哋不時喺活動隔空對話,Stephy仲話想同對小方做番朋友,不過小方就未搵佢。

時至今日,佢哋私底下有冇對話已經唔緊要,因為今日一對舊情人將會喺分手後第一次碰頭,為慈善去到銅鑼灣出席「揹水一戰」啟動禮,由於兩人為活動擔任榮譽顧問,喺避無可避情況之下焗住同場,不過,據知大會安排兩人各自受訪,喺台下亦唔會安排影合照,以免尷尬。

兩人將會前後腳現身活動,先到嘅Stephy會獨自受訪,然後以工作為由完成儀式即撇,而後到嘅小方同樣以工作為理由,為遲現身做解釋,兩人只會喺接受感謝狀儀式才同台,其餘時間就有你冇我!不過話晒都係分手後同場,到時係點......真係拭目以待!


鍾意就快D Share啦!