烏干達海難部分乘客被救起。(互聯網圖片)
巴西球隊查比高恩斯上個月到哥倫比亞出戰南美球會盃決賽，遇上恐怖空難震驚全球，點知2016年未過，又有烏干達球隊乘坐嘅客船喺聖誕日，發生翻船意外最少30人喪生，而且當地警方表示，遇難者多數係烏干達地區球會嘅球員同球迷。
根據英國廣播公司BBC報道，出事客船載有45人，暫時有15人獲救，發現9具屍體，意外原因係大部分乘客聚集喺船嘅同一側，導致失去平衡翻船，而且類似事件，不時喺出事地點艾伯特湖同其他非洲海域發生，因為客船好多時有超載問題。
另外，意外地點其實只係距離岸邊100米，但由於船上大部分乘客處於醉酒狀態，掛住唱歌同吹奏樂器，因而莽顧安全造成慘劇。據講遇事球員同球迷來自布里薩嘅地區球會，打算去霍伊馬出席聖誕足球賽事，可惜因為翻船意外唔能夠到達目的地。
來源 source: http://hk.on.cc
|
鍾意就快D Share啦！
|
|
|