陳庭欣收通知換拍檔
藝人陳庭欣（Toby）與李潤庭主持無綫節目《東張西望》合作無間，李潤庭暫時停工對她有一定影響，她昨日接受本報電話訪問時透露已收到公司通知會暫時轉換拍檔，並坦言記者會舉行前曾在化妝間與李潤庭碰面：「佢睇落瘦咗。（個人殘晒？）咁佢都啱啱出完北京Trip，加上種種壓力，希望大家畀空間佢解決。」提到李太選擇離婚，她認為旁人難以評論：「就算個人平時諗嘢幾清晰、理性，去到處理感情事都會有迷失感。（覺得可惜？）咁佢哋有共識，成年人嚟，唔係細路仔玩泥沙，佢哋覺得舒服就得。」提到李潤庭指家中長輩對他感失望，Toby坦言兩夫婦行到此步，長輩必然痛心。
同樣是《東張西望》主持的朱凱婷，前晚被問到李潤庭背妻偷食一事，她表示平日雖然並非拍檔，但亦有碰面，問到可有關心及問候對方？她說：「冇刻意搵佢，打擾佢，等佢處理自己事，自己都係同一般人嘅反應。同佢都係工作層面識，唔識佢家人，但佢做嘢好落力，唔敢Comment，希望佢快啲搞掂屋企嘢。」
來源 source: http://orientaldaily.on.cc
|
鍾意就快D Share啦！
|
|
|
