姜麗文今日喺中環為一個飲食apps做代言人宣傳，無懼天寒地凍下露出小蠻腰。姜麗文早前分別同哥哥姜文杰及繼母到上海探爸爸秦沛班，之後就同爸爸到台灣出席金馬獎。至於生母梁盛子（即秦沛前妻）9月喺加拿大病逝（新聞連結： http://bit.ly/2gBT6i3 ），兩兄妹都未有出現喪禮，姜麗文話：「嗰時我製作緊歌曲，要工作先，而嗰段時間亦尊重嗰邊family，冇乜出post上網，我哋有送上花牌。」姜麗文直認同生母感情生疏，一歲後已冇見面，但面對親生母道離世時，佢話有種從未感受過嘅感覺，另一方面好幸運有個好錫佢嘅繼母。近年姜麗文主力喺韓國發展，遇見唔少韓國型男，佢高呼：「三年冇拍拖，我都好想拍拖，特別係就到節日，但仲未遇到，對上分手前係好耐冇單身過，o依家學識獨立。」姜麗文承認o依家有韓國圈中男追求，不過佢就拒絕咗：「有date過，但最終冇發展，唔想異地戀，亦唔想搵返同行拍拖，我都30歲，唔想拍拖係一個秘密地下情，想公開。」
來源 source: http://s.nextmedia.com
|
鍾意就快D Share啦！
|
|
|