網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年12月31日 星期六

方力申頹呻今年唔順利:攝咗太歲都係咁 __,方力申,

家庭、寵物同愛情都唔順利,唔怪得之係咁呻啦…歌手方力申(小方)今日與一班現役及退役運動員出席一個「毅力十二愛心跑」活動,小方表示自己已參加這個活動多年,今日見到當年帶隊他們代表香港出外比賽的教練、隊友、師妹等及其他運動員,好多回憶,心情都特別興奮。小方笑言今日獲大會列入精英運動員一群一齊坐,記者笑他依然仲有兩項香港游泳紀錄,他笑說:「好彩自己有keep,十幾年冇做運動員,好容易變形,突然間出嚟大住 ...




其他影片:>>






家庭、寵物同愛情都唔順利,唔怪得之係咁呻啦…

歌手方力申(小方)今日與一班現役及退役運動員出席一個「毅力十二愛心跑」活動,小方表示自己已參加這個活動多年,今日見到當年帶隊他們代表香港出外比賽的教練、隊友、師妹等及其他運動員,好多回憶,心情都特別興奮。

小方笑言今日獲大會列入精英運動員一群一齊坐,記者笑他依然仲有兩項香港游泳紀錄,他笑說:「好彩自己有keep,十幾年冇做運動員,好容易變形,突然間出嚟大住個肚腩,就唔係幾好。(你接唔接受到大肚腩?)接受到,好彩我做呢行都會逼自己鍛練,出到嚟同現役嗰啲唔係差好遠啫。」

兩個星期就有六舊腹肌

問到小方是否好緊張自己身形?小方說:「唔會,我以前游水嘅時候都唔會理自己啲身形,最緊要游得快,唔係好似依家啲運動員,去練嗰項運動之餘,身體仲要靚,副偈好緊要,我反而入咗行先覺得原來個身體係搵食架生,你睇我都係一時時,真係要做嘢、要拍嘢剝衫先練,平時我咩都食又食快餐。(你接受到六舊腹肌變一舊?)唔好太過分就得㗎喇,我依家畀自己鍛練指標,你畀兩、三個星期,可以變番六舊腹肌,我keep住就。(有咩法寶?)我冇停鍛練,只不過係靠飲食,cut咗啲應酬、消夜、煎炸嘢,食番清淡啲就好容易,啲人話腹肌唔係喺健身室健出嚟,腹肌係喺廚房做出嚟,係真㗎。」

直認今年唔順利:太歲我都有攝都係咁

問到他可有睇前度女友鄧麗欣主演的電影《失戀日》?他帶笑說:「我唔喺呢啲咁嘅時間,太多人去睇呢啲咁hit嘅戲,費是逼。(咁你會唔會睇?)會睇。(會唔會觸景傷情?)我唔知講咩(指套戲)。」踏入新一年感情上他可希望有新聞始?小方坦言沒有多想,他說:「唔敢諗喎,唔係好想,做嘢先。」他坦言2016年對他來說確實是不順利的一年,他說:「我爹哋又入院做手術啦,我隻貓又走咗啦,感情又有變,今年好唔順,可能本命年,早知我早啲洗牙啦,所以2016好差,好彩工作上仲係好穩定,如果呢個都差埋唔知點算,工作都好好,工作以外其他唔順利,過咗本命年,希望2017順利啲,我順利啲得㗎啦,好滿足。(會唔會求神拜佛?)唔會呀,你睇如果我拜極今年都唔順利,我唔拜,太歲我都有攝都係咁。」

__________________________

想聽歌?想睇MTV?想了解本地Indie Band資訊

快啲click入「聲大夾樂」專頁: http://on.cc/musicon


來源 source: http://hk.on.cc
鍾意就快D Share啦!