網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年12月11日 星期日

【媽媽開綠燈】麥明詩生日收花 林作同時間貼相 __,麥明詩,林作,

「十優港姐」麥明詩今日25歲生日,噚日佢為婚紗騷做模特兒,講到明將來婚禮要有舞池,至於生日party,就唔肯講林作會唔會到(新聞連結:http://bit.ly/2grAx3y)。今日晏晝麥明詩放咗兩張新相上Ig,一張就見到有約30人同麥明詩慶祝,另一張就見麥明詩抱住一大紮花,赤腳坐喺地下,身邊仲放咗唔少禮物。共通點係,兩張相都冇林作影子,麥明詩只係留言,話願望係:「開開心心,同埋我父母嘅仔女孝孝 ...


「十優港姐」麥明詩今日25歲生日,噚日佢為婚紗騷做模特兒,講到明將來婚禮要有舞池,至於生日party,就唔肯講林作會唔會到(新聞連結: http://bit.ly/2grAx3y )。今日晏晝麥明詩放咗兩張新相上Ig,一張就見到有約30人同麥明詩慶祝,另一張就見麥明詩抱住一大紮花,赤腳坐喺地下,身邊仲放咗唔少禮物。共通點係,兩張相都冇林作影子,麥明詩只係留言,話願望係:「開開心心,同埋我父母嘅仔女孝孝順順。」生日都提醒自己要孝順父母,真係乖乖女。至於林作就喺差唔多時間,貼咗同其他朋友嘅合照,但就見唔到麥明詩。而麥明詩媽媽何小娟今日同陳倩揚、趙希洛等喺圓方出席驕子兒童發佈會,講到阿女生日,何小娟表示:「約咗下星期慶祝,不過佢噚晚同哥哥、朋友慶祝。」至於林作有冇去?何小娟話:「聽佢講係一班朋友,佢冇提,我冇過問。」佢仲話麥明詩大個女,同邊個出街由佢自己決定。至於阿女有冇新追求者呢?何小娟就:「佢哥哥會清楚啲,佢同哥哥、我都會分享,但有進一步先會同我講,因為做媽媽始終有啲掛慮。」同場嘅陳倩揚大仔今年5歲幾,早前佢為囝囝搵小學,倩揚表示已有一間國際學校收咗囝囝,但都會等埋統一派位嘅結果,倩揚大讚囝囝有音樂天份。

麥明詩喺Ig貼相話收到花,仲tag咗個朋友多謝佢。(麥明詩Ig圖片) 成30幾人一齊慶祝同麥明詩慶祝(紅圈示),林作你係邊呀?(麥明詩Ig圖片) 林作喺差唔多時間,都更新咗Ig,係咪約埋㗎?(林作Ig圖片)
麥明詩媽媽何小娟話阿女同邊個出街,佢唔會過問。(攝影:仇志德) 陳倩揚幫囝囝報咗國際學校。 趙希洛

來源 source: http://s.nextmedia.com
鍾意就快D Share啦!