藝人劉佩玥（Moon）出席「第85屆香港結婚節暨聖誕婚紗展」活動，穿上婚紗擔任模特兒行騷的她大晒事業線，認真吸睛。她表示是其首次行婚紗騷，她聽到大會音樂響起時大感甜蜜及感動到有少許淚光，並稱雖然自己未結婚，但她指結婚是每位女仔的情意結。
35歲前結婚
問到有沒有請緋聞男友伍允龍來捧場？Moon說：「冇呀，有我啲粉絲嚟，希望我第時結婚時可以同大家一齊分享喜悅。（幾時有得分享？）有排啦，我如果搵到男朋友會首先同大家講，我唔係會閃婚嘅人，我鍾意慢慢了解、細水長流、睇吓大家啱唔啱先，婚姻係一世，同埋我有信仰，屋企人令我覺得婚姻係一樣好重要、好神聖嘅嘢，真係啱先結，唔係話到30、40歲一定要結，是但搵一個。（目標係幾歲結？）以前係25歲，但我依家27歲啦，希望35歲前啦，都要有健康身體生小朋友。」又謂媽咪亦叫自己早些生BB，但自己現時專注事業發展。至於會否秘婚，她表示會低調處理：「如果秘密到連屋企人都唔知就唔得，屋企人會知，開心嘢唔介意分享。」
同伍允龍係朋友
Moon續自爆剛才行騷時，她會幻想彭于晏來讓自己笑容更甜美，問到為何不幻想伍允龍？她說：「彭于晏好好，又有型，佢依家係少女男神。（你係少女咩？）我算係青春少艾，未去到中女，可以幻想吓。（一刻都冇諗過伍允龍？）一刻都冇，朋友嚟㗎嘛。（唔諗佢唔怕佢嬲？）我真係冇，同佢真係好朋友，唔會冇啦啦着婚紗諗起自己好朋友，而唔係一啲幻想對象或者真係男朋友，佢啲粉絲可以諗吓。」又稱對大家十分支持其二人感到開心，大讚伍允龍是好男仔，真實事情就隨緣吧。
__________________________
想聽歌？想睇MTV？想了解本地Indie Band資訊
快啲click入「聲大夾樂」專頁： http://on.cc/musicon
|
鍾意就快D Share啦！
|
|
|