藝人袁偉豪為腕錶品牌Hamilton專門店擔任星級店長，他在短短十五分鐘便成功賣出兩隻手錶，做了逾二萬港元生意。袁偉豪又跟顧客拍合照及簽名，非常識做！期間他獲品牌送上海軍系列蛙人腕錶作致謝。
自爆曾賣珍珠奶茶
袁偉豪表示自己也做過服務性行業，讀書時曾在珍珠奶茶店做店員，吸引到不少姐姐輩幫襯：「我都幾鍾意做服務性行業，我唔怕醜，其實最緊要係將心畀心，畀人感覺係親切同友善，會想留喺間舖耐啲。」提到手錶，他認為是男士恩物，可表現到男士的個人品味，但他坦言不會過分揮霍在腕錶上：「有啲錶想買好耐，但唔捨得買，最後儲到錢買，最貴五位數，都係買嚟鼓勵自己，但太貴唔捨得買，會用儲錢買樓同鑽石。」袁偉豪稱跟品牌有緣分，因為他之前在雜誌看中品牌腕錶，並到專門店看，因此促成今次合作，而品牌送贈的腕錶正是他當日心儀之款式。
睇好陳展鵬奪視帝
至於談到工作，袁偉豪透露正拍攝《使徒行者2》，而平安夜及除夕也要出席商場活動，直言劇集《城寨英雄》為他帶來不少搵錢機會。而有份憑該劇提名視帝的他，被問到有否信心奪獎時？他坦言：「冇信心，因為競爭太大，覺得自己演戲未去到呢個階段，仲要嘗多啲，有份角逐已經好榮幸。之前有一、兩年連提名都冇，所以可以坐喺台上已經好滿足，有獎係bonus。（睇好邊個攞視帝?）我會支持《城寨》嘅展鵬，不過郭晉安都好出色，女角就捧胡定欣，田蕊妮扮貓都好有難度，有機會我都想扮狗。」
同岑杏賢關係友好
講到他早前跟女友岑杏賢分手後曾揚言想復合，問到箍煲行動進展如何？他笑言：「我屋企幾個煲都唔見晒，件事完結咗。開心工作，依家忙搬屋，我都需要有自己地方。（搬離傷心地？）都係同一個屋苑，之前一齊住，依家都想有自己空間。（聖誕節會否約岑杏賢？）隨緣，我哋仲係好朋友，大家有講有笑，復合唔多講，隨緣！依家忙搬屋，要買好多電器，如果各大家電品牌要搵代言就搵我。」
__________________________
想聽歌？想睇MTV？想了解本地Indie Band資訊
快啲click入「聲大夾樂」專頁： http://on.cc/musicon
|
鍾意就快D Share啦！
|
|
|