陳國邦去年10月寫咗一封「公開辭職信」，宣佈離巢無綫，當時嘅佢好心灰：「在這15年間，只希望能用自己的能力換取賞識及當主角的機會，結果是讚賞得到不少，而機會卻越見越渺茫。」（新聞連結：http://bit.ly/2d1JYWF）兩個月後，陳國邦又宣佈回巢，願意留低，加簽一年合約拍攝處境劇《愛．回家之八時入席》。而繼約原因，係因為「毛姐」毛舜筠講咗句「如果陳國邦唔做，我都唔做喇！」結果太太羅敏莊話好 ...
陳國邦去年10月寫咗一封「公開辭職信」，宣佈離巢無綫，當時嘅佢好心灰：「在這15年間，只希望能用自己的能力換取賞識及當主角的機會，結果是讚賞得到不少，而機會卻越見越渺茫。」（新聞連結： http://bit.ly/2d1JYWF ）兩個月後，陳國邦又宣佈回巢，願意留低，加簽一年合約拍攝處境劇《愛．回家之八時入席》。而繼約原因，係因為「毛姐」毛舜筠講咗句「如果陳國邦唔做，我都唔做喇！」結果
太太羅敏莊話好虧待毛姐呢份情義，合力說服陳國邦復出。（新聞連結： http://bit.ly/2fSC8PF ）一年過去，《八時入席》宣佈唔再添食，而陳國邦亦再一次宣佈唔再續約。即將約滿嘅陳國邦今日接受《蘋果》電話訪問時細訴因由，佢話：「公司都有同我傾（合約），但我都係想延續之前嘅決定，行番之前自己想行嘅路，想做番我嘅藝術工作者。」陳國邦希望回覆自由身後，可以更有洽當安排工作：「我想重拾番自己嘅動力，係無綫一路工作，同佢合作、做演員當然有保障，有一定工作量畀你，但變咗喪失你自己安排自己工作嘅能力。基本上你冇嘢做時，就上7樓（戲劇部）話畀佢聽『 監製我得閒喎』 ，好少去費神……咁當然我都開心，咁多年嚟公司對我印象同工作能力都認可，唔會太需要擔心自己工作。」陳國邦承認今次再次決定離開，心情輕鬆好多：「有工作先再傾囉，其實幾舒服。」每次老婆羅敏莊都會支持，當然今次都唔例外，佢話：「兩公婆無論對錯，能夠支持對方係好重要。」
