最近見得最多嘅素人，係陳曼娜、陳曼娜女婿，同大陸女生金若希。特別係嗰張床照——女方擘大眼，而男主角合埋對眼嗰張……令人無窮想像。估唔到，戲如人生，喺呢個moment，郭晉安、陳庭欣竟然流出同一pose嘅床照，好明顯，又係劇透嘅時候。被綁架冇咗十年嘅郭晉安，噚晚終於「久旱逢甘露」——得嘗一吻，對手係朱晨麗，亦即係，十年前同郭晉安喺公司有姦情嘅陳庭欣個妹兼現任上司。監製林志華似乎唯恐觀眾唔明，所以呢兩集開始刻意俾大家睇到某啲伏線，包括朱晨麗一而再、再而三重溫家姐嗰本相簿，同埋嗰張床照。即係，朱晨麗一早知道郭晉安同佢家姐嘅關係，劇情亦一再remind大家，陳庭欣對安仔付出好多、但付出幾多都好，依然都係得唔到呢個男人。但郭晉安，一直到噚晚，碼頭一夜，先至知朱晨麗與陳庭欣之間關係……好，劇透開始…想睇拉落去
｜
｜
｜
｜
｜
｜
｜
｜
｜
｜
｜
｜
｜
逃生門在此
｜
｜
｜
｜
｜
｜
｜
｜
｜
｜嚟緊下個禮拜，郭晉安會搵到當日有份綁架佢嘅幕後黑手，喺噚日一集大篇幅舖排眉宇間以至小動作多多嘅張國強，好明顯，係嫌犯之一。咁張國強同郭晉安唔係好兄弟咩？十年前朱晨麗仲未出現，咁張國強如果真係有動機，動機唔通只係食咗間公司？當然唔止，仲包括……女人。原來十年前，張國強都鍾意下屬陳庭欣!但陳庭欣個心，只有郭晉安一個。動機算是成立，但係咪真係佢呢？從一份病曆，郭晉安搵到答案。佢仲以彼之道，還施彼身，用番同一招對付呢個幕後玩家。但，呢個，都唔係big boss。咁朱晨麗之前刻意向郭晉安隱瞞佢同陳庭欣姊妹關係，依家好似自揭底牌喇，咁，朱晨麗係咪同家姐一樣，鍾意咗呢個男人？定只係為家姐報復？
但原來，當日害死陳庭欣嘅人，唔止一個。弱不禁風嘅萬綺雯，都有嫌疑。之前劇透講過，稍後陳庭欣將再度出場，同郭晉安有連場床戲，陳仲selfie床照俾萬綺雯挑機，即係依家見到呢張……而呢張相，亦舖下了陳庭欣慘遭曾偉權同鄉匪先姦後殺嘅伏線……
| 《致命復活》影片截圖 | | |
| | | |
| |
|
鍾意就快D Share啦！
|
|
|