蔡少芬(Ada)今日就孖住老公張晉到維園嘅工展會，出席佢哋有份代言嘅補健產品活動，聽到Ada聲沙沙，佢解釋：「我拍緊嘢，廠空氣唔係咁好，又鼻敏感。」點知張晉笑佢因為鬧女，Ada沒好氣咁笑住話：「返到屋企見到兩個百厭豬，我要喝停佢哋。」張晉即刻教老婆講嘢應該用丹田，唔好聲帶，又可以含蜜糖，事關Ada曾經做過喉嚨手術。有冇影響講對白﹖Ada話：「所以我盡量溫柔啲，冇嘢講就唔講嘢，保養自己把聲。」噚日李嘉欣被問及舊愛劉鑾雄同甘比結婚一事，佢話：「透過傳媒，喺慈善活動送上祝福就可以。」至於會否覺得大劉結婚倉卒，她表示：「我冇個人感受，總之為佢送上祝福。」今日Ada於活動上再被問及此事，佢一聽到記者提問即面色一沉，之後佢就話：「我哋唔講呢啲問題。」而身旁嘅張晉聽到大劉個名，唔知係咁啱，定係咩原因，就擰轉身咳咗一聲！講到佢哋兩公婆最近經常要開工，係咪好少見到兩個囡囡﹖張晉話：「今朝係咁叫我Daddy，但當時我係瞓着咗15分鐘，我真係好掛住佢哋。」Ada則話：「兩個女攬到佢實。」提到張晉有份參與荷李活科幻片《悍戰太平洋》，佢透露之後要再飛澳洲繼續拍攝，Ada就話：「我喺香港拍就好啲，我好感恩，例如收廠尾，都唔使接早班。」
| 攝影：沈健程 | | |
| | | |
| |
來源 source: http://s.nextmedia.com
|
鍾意就快D Share啦！
|
|
|