劉德華經理人公司「亨泰寰宇」今早再發聲明，指日前墮馬受傷嘅華仔，盆骨多處骨折，並有筋腱肌肉拉傷，需要留院兩個月同做復建治療9個月。亦即係話，華仔未來近一年，好大機會要全面停工，專心休養。原本已定好嘅工作，行程亦肯定受影響。華仔有份主演嘅電影《追龍》，預計暑假上映。目前尚欠配音，相信華仔好大機會缺席電影宣傳活動。電影《拆彈專家》，4月底上映，當時仍在休養嘅華仔，相信未能出席宣傳活動；電影《俠盜聯盟》，預計7月上映，相信華仔到時仍未能出席宣傳活動，仲有一套《熱血合唱團》都係今年上映，宣傳工作原本排到密麻麻!據知電影《寒戰3》年底開拍，傾過想華仔繼續出演保安局局長，即係屆時會同郭富城同梁家輝，仲有周潤發「鬥戲」!另外，有消息指華仔今年打算入紙紅館，籌備舉行跨年演唱會，不過如今華仔要休養近1年時間，演唱會能否開得成，仍屬未知之數。不過寰亞表示華仔方面未通知佢哋取消年底個唱，據知華仔係唔想歌迷失望，希望12月底可以復出，繼續做跨年演唱會。對於華仔未來嘅工作安排，其經理人公司表示：「工作有待進一步討論，目前僅回答這些。再次謝謝媒體朋友。」
| (資料圖片) | | |
| | | |
| | |
來源 source: http://s.nextmedia.com
|
鍾意就快D Share啦！
|
|
|