藝人唐詩詠昨日拉埋兩屆視后胡定欣、梁烈唯和沈震軒齊齊睇韓國人氣男團Big Bang在啟德郵輪碼頭舉行的演唱會，不過現場未見男友洪永城（Tony）蹤影。而早前詩詠在網上甫文稱「你生命中唯一需要的人，就是覺得你很重要的人」，疑暗示兩人陷入冷戰期，因此是次Tony缺席不難令人聯想到現時兩人「戰況」膠着，關係危危乎！
唔夾口供
其實兩人拍拖兩年，雖然經常在受訪時從言語上「派糖」勁甜蜜，但最近有指感情生變，更經常影到詩詠一支公消磨時間，而兩人亦鮮見於社交網站上放閃，看似關係轉淡早已醞釀多時。對此，Tony曾經回覆東網指兩人關係依舊好好，更指雙方正逐步朝向結婚進發。不過，詩詠日前在寰宇活動中明顯未與男友夾定口供，更直認兩人已有一段時間未有見面，當問到感情是否由濃轉淡時，她以為免外界忽略其工作為由，一於避談：「唔想回應咁多喇！」
相隔數日後的前晚，Tony在將軍澳電視廣播城錄影大年初一播映的無綫節目《保良善心全鳳獻》時，對於詩詠指雙方「好耐冇見」的言論，就明顯未有畀面附和，更說：「啱啱先喺Canteen見完！唔明點解佢咁講！」據知詩詠出席活動前一晚，在電視城的飯堂中被人目睹與Tony一齊出現，期間兩人笑臉迎人，完全沒有冷戰迹象，與詩詠說法有所矛盾，有口是心非之嫌，不但令事情顯得更加撲朔迷離，亦使人覺得有「絕世好女友」之稱的詩詠原來非常善變！
「女人心海底針」
問到兩人盛傳的冷戰是否仍然持續？Tony說：「唔關啲花邊新聞事啦，唔會特別擔心，識得處理嘅。（女人成日口是心非㗎喎！）即係男人永遠唔明白唔嗰啲？咁就Keep住唔明白啦，但係我想明白！」除了用心意去克服「女人心海底針」外，Tony亦打算以行動去討好女友，當問到會否入場或包場支持女友有份演出的新戲，他直言會入場觀看，更笑說：「但未知要睇幾多場！」
定欣勁Like Big Bang
另外，與詩詠一齊睇騷的定欣似乎不打算插手對方的感情事，主力專心欣賞偶像演出，她受訪時表示有留意前日演唱會安排混亂的問題：「情況好好多，只係要用少少時間去排隊，一直都有捧Big Bang場，佢哋嚟親搞騷我都會去睇，同埋我係太陽嘅忠實粉絲，所以一定要嚟！（唔係拍緊《宮心計2深宮計？請假？）唔係請假，係咁啱放假可以嚟欣賞個演唱會。」
__________________________
想聽歌？想睇MTV？想了解本地Indie Band資訊
快啲click入「聲大夾樂」專頁： http://on.cc/musicon
|
鍾意就快D Share啦！
|
|
|