91年，利智仍然未有拖拍，對上一次拍拖，係1980年，即係利智19歲到30歲都冇拍拖，所以訪問中例牌都問下感情觀同擇偶條件，利智話，「我好信緣份，可惜當時佢遇到鍾意嘅人，係結咗婚。」「我對男人要求一啲都唔高，最緊要似番個男人。」利智又話，「本身屋企麻麻地幸福，所以，我好渴望將來有一個幸福家庭。」當時記者問佢，如果你真係鍾意咗個人夫，咁點？利智話:「咁我就要睇下三個之間嘅關係係點，如果佢哋本身感情係冇問題，我根本就唔會去做第三者，因為咁樣三個人都唔會開心。但如果佢哋喺埋一齊本身已經唔開心，而我又覺得呢個男人值得我去愛，我就繼續去愛。」記者問:「咁咪對佢老婆好唔公平？」利智就話:「冇話公唔公平嘅，破鏡係好難重圓，個男人變咗心，係返唔到轉頭。」跟住記者追問:「咁如果你係人哋老婆呢？」利智答:「咪唯有講句自己bad luck，勉強去留住個人，都留唔住個心，所以我會成全人哋。」
來源 source: http://s.nextmedia.com
|
鍾意就快D Share啦！
|
|
|