過年留家安胎5月生得 翠翠做慈母囝囝有求必應
■葉翠翠預產期在5月，她明言休息一年再努力追女。攝影：郭賢興
■葉翠翠爆老公已幫未出世的囝囝買了兩年的衫仔。資料圖片
■翠翠自陀B後，上圍升級不少。資料圖片
【《蘋果》專訪】現年35歲的葉翠翠，前年7月嫁拍拖僅十個月的建築師男友周曉東（Raymond），榮升人妻，翠翠講明會積極造人，上年11月宣佈有喜，陀「小雞丁」的她，將於今年5月榮升人母。
嘗試餵母乳日前翠翠挺着巨肚接受《蘋果》訪問，她說今年過年跟以往大不同，以前一定會去行年宵，但今年選擇留在家中，她說：「𠵱家好易攰又成日要去廁所，所以留喺屋企好啲。」不過，翠翠新年前已跟老公去了日本旅行，她笑說：「老公血拼能力比我仲強，去程行李15公斤，返嚟80公斤，全部都係BB嘢，阿仔啲衫可以着到兩歲。」
問翠翠會否餵母乳？她說：「會先嘗試畀BB飲母乳，但如果冇或者唔夠就飲奶粉，我都係飲奶粉大，𠵱家啲奶粉都好好。」至於，是否已準備好做人母？翠翠哈哈笑：「我同老公講，我會幫你湊大個仔，但係唔會半夜起身餵奶同換尿片、抹pat pat同逼佢做功課嗰啲都交畀佢做。」
追多個豬女當然翠翠只是說笑，她再認真表示已跟老公分配好忠奸角色：「如果囝囝第時問我乜嘢，我都會話OK，但要佢問爸爸，因為老公會係一個嚴厲嘅爸爸。」雖然囝囝未出世，但翠翠已講明會再追囡囡，笑言因為想生豬年出生的「豬頭」，故會休息一年先再開工。
採訪：鄉奈仁
來源 source: http://hkm.appledaily.com
|
鍾意就快D Share啦！
|
|
|