鄭中基一連四場嘅紅館騷，晚晚嘉賓卡士都好犀利，今晚尾場encore部份仲請嚟男神黃子華講番兩嘴，認真抵睇啦。子華神話鄭中基呢個騷好叫座，一票難求，仲拉埋鄭中基啲家人嚟講笑：「一開紅館又爆晒，紅到點呢？做嘉賓，冇飛！我原本好嬲嘅，但我睇到今晚知點解佢老竇要上嚟唱歌喇，冇飛！全家仔女，冇飛！除非表演。」台下觀眾當然笑到停唔到啦。作為壓軸嘉賓，子華神話：「encore走咗個啲就後悔喇，o依家我哋俾個嗌到癲嘅歡迎鄭出嚟好冇？」呢刻鄭中基先喺後台出番嚟，黃子華再同鄭中基一齊笑阿倫（譚詠麟）：「阿倫哥又係狂食，我相信佢都未試過咁歡喜牛嗰啲歡喜。」鄭中基又話阿倫係素食者，之後又食字笑佢係「掃食者」，成枱食物咩都掃晒。兩個人又一來一往咁，扮晒唔知要合唱，子華神解釋以前唱歌俾人笑佢走音，不過今日走音反而啲人會歡喜，之後兩人就合唱咗《風的季節》。
| 攝影：陳慧安 | | |
| | | |
來源 source: http://s.nextmedia.com
|
鍾意就快D Share啦！
|
|
|