新年快樂！《蘋果》祝大家雞年進步，大雞大利，心想事成！劉德華於15日幫蘋果拍攝賀年專訪。訪問中佢細數入行以來的感想，又講下新一年目標，華仔希望今年主力放在音樂上，年尾暫定在紅館開20場演唱會：「今年拍戲嘅時間比較少，我哋演唱會都會陸陸續續做巡迴。」問到會否再騷肌肉，華仔就答：「希望唔使我已經年紀老邁。」據知意外後雖然需停工九個月，但華仔仍希望可以舉行到演唱會。他於訪問時表示，最希望是歌迷不用捱炒價飛，「其實出到街，佢哋能夠買到嘅唔係好多。希望啲老闆唔好攞咁多，我啲歌迷就發達嘞！」80年入行，今年是他踏入演藝圈第37個年頭，華仔稱以前雄心萬丈不會覺累。直到95年，他投資天幕電影公司失利，開始覺得辛苦。「95年之後就要set好一個還錢嘅計劃，所以嗰五年就好似打工咁，可能就有啲攰有啲怨，但係去到2000年開始，又去到返自己決定。」現在他認為生活應該有優先次序，會選擇將家庭放第一位。如果要跟初入行的自己講一句話，華仔二話不說：「唔使諗你將來會好紅，小心啲keep好自己私生活呀！其實都要自己行吓或者跌吓，見吓風光嘅時候係點呀，自己如果無做過呢三十幾年，可能我又去唔到今日。」華仔曾說過要一嘗做導演滋味，不過現階段仍未有具體計劃，只討論過一些劇本，他說：「我諗過喜劇，因為喜劇起碼有個底，票房呀各樣嘢。但如果喜劇唔賣呢？又好似覺得我好渣。我又好想拍藝術片，咁唔賣呢都冇得講！其實越做得多，越覺得係咪真係夠料去做導演。」在此希望華仔快些康復，能達成他的目標。記者：鍾國仁、黃芷蔚
攝影：馮峰、Neo、吉吉、郭賢興、周樂恆
場地：好酒好蔡
Stylist: Olivia Tsang
服裝：Blanc de Chine and Hogan
化妝：阿麗
|
鍾意就快D Share啦！
|
|
|
