查看相片
Louisa情路上感到迷失，難道是因為林作？
【東方日報專訊】新年伊始，「十優港姐」麥明詩（Louisa）取其「明詩」二字，揮筆寫下春聯：「明天更美好，詩情添畫意」，皆因她相信明天會更好！她渴望新一年愛情得意，卻反其道認為不需刻意去舊迎新，因為「舊事」充滿回憶。
舊愛影響大
麥明詩與大律師林作有過一段情，可惜去年情海翻波。踏入雞年，她渴望愛情得意：「25歲係尷尬階段，已經唔係年少氣盛，唔係玩玩吓嗰啲，但呢個年紀又未到談婚論嫁，所以都有迷失。」小妮子感慨如此，莫非被上一段情嚇怕，急於「去舊迎新」？她倒認為過去經歷是人生一部分：「我會用更積極態度面對事情，佢殺你唔死，會令你更堅強！」
對於入行至今，麥明詩的名字都與林作掛鈎，她覺得沒所謂：「事實就係咁，唔會去做啲嘢令個名唔黐埋一齊，例如有啲人話搵另一個同我傳緋聞咪可以蓋過，但我覺得做人唔使咁刻意嘅，佢個名黐住我唔係負累，唔係一講我就打『乞嚏』。」她更認為林作代表一個階段：「我幾鍾意用男朋友嚟劃分階段，佢係未入行至入行階段。（林作只是過客？）未至於過客，拍過拖嘅伴侶，對人生影響非常大，冇佢我唔會喺呢個位置！」
男友唔使靚
對於月前被傳出有新歡，Louisa否認直言不是外貌協會，自小媽咪教她靚仔沒本心：「做咗娛樂圈後周圍太多靚仔，發現靚仔冇大不了，睇慣咗，唔靚仔仲少見啦。」
文：專案組
化妝：Allen Yim
場地：Hotel Sav
來源 source: http://hk.celebrity.yahoo.com
|
鍾意就快D Share啦！
|
|
|
