劉華接福賀雞年
今日是雞年大年初一，先恭祝讀者雞年行大運，大雞大利、雞年旺相！本報在劉德華受傷前兩天，邀請他拍攝一輯賀年照及做專訪，他回憶童年時過年的點滴，竟於大年初一與長輩打架。另外，華仔好友鄭秀文、杜琪峯、劉偉強和陳小春等，為本報拍片誠心祝福華仔早日康復。
採訪：鍾國仁
【福到臨門】
■劉德華日前為本報拍攝賀年照及做專訪，恭祝香港市民雞年事事順境。攝影：郭賢興
【大顯身手】
■華仔即席提筆寫揮春應節。
【恭喜發財】
■華仔指以往年初一夜晚會向父母拜年及斟茶，派第一封利是。
■華仔在意外前兩日幫《蘋果》拍攝賀年專訪。
踏入雞年，劉德華雖然因墮馬受傷要在醫院過年，在意外發生前兩天，華仔接受本報專訪，不忘為香港市民祈求雞年事事順境、身體健康、萬事勝意。熟識華仔的都知他崇尚傳統，過年依足中國習俗，除年廿八洗邋遢、年三十晚團年外，每逢大年初一都要向雙親拜年和接財神。華仔說：「年初一差唔多夜晚要開始接財神，接完財神，大約6點就會去同爸爸媽媽斟茶，第一封利是一定畀爸爸媽媽，最大封都應該係！」可惜華仔早前在泰國墮馬受傷要留院，過年的傳統習俗今年恐怕未能完全做足。
■叫大家今年「我要努力向上」。
■佢最愛嘅年花係菊花。
■睇到以前嘅唱片同相片，勾起好多回憶。
■華仔即席揮筆寫「福」字。
■原來佢年年都有寫「福」，送畀爸爸同貼喺屋企門口。
■之後又為大家寫多個「雞」字。
同長輩「開年」一般打工仔而言，新年終於可以「收爐」，但對於熱愛工作的華仔來說，以往大時大節卻是每年最忙碌的時段。華仔又認為童年時過的新年最難忘，還自爆曾與長輩打架，華仔說：「因為嗰時一年只有一套新衫，套新衫年初一要着。我記得有次同啲世叔伯打交，就係年初一。我有件金色嘅棉衲，好有型，當時大家喺度玩滴滴金，俾佢哋燒到，喺背脊燒花咗少少，咁就年初一打交，跟住俾阿媽打！」
農曆年假對華仔來說相當寶貴，盡可能都留給他的至親，因此近年已很少拜年，但偶爾會有親朋戚友到訪，便有緣品嚐華仔自製的蘿蔔糕。問假若要邀請一位圈中朋友過年，他會挑選誰？華仔笑說：「最唔得罪人就揀Deanie姐（葉德嫻）」大家以為華仔新年期間深居簡出，但原來他也會行花市的，且甚懂花市行情：「其實我真係會行，成日都會喺花園街出現，太早買就會好貴，越近年三十就會越平！」
■華仔手字真係好靚！
■佢祝大家雞年行大運。
■華仔話福係要收返嚟，大家都祝福你早日康復！
「想拍藝術片」華仔曾說過要一嘗做導演滋味，不過現階段仍未有具體計劃，只討論過一些劇本，他說：「我諗過喜劇，因為喜劇起碼有個底，票房呀各樣嘢。但如果喜劇唔賣呢？又好似覺得我好渣。我又好想拍藝術片，咁唔賣呢都冇得講！其實越做得多，越覺得係咪真係夠料去做導演。」
此外，華仔主演及監製的電影《拆彈專家》已定於4月上映，戲中華仔不但是一名拆彈專家，更曾經是無間道一名，他跟內地藝人姜武有不少對手戲，經常穿上重厚拆彈服的華仔有一句金句︰「拆彈不是你想就能做，是要上天批准的。」
造型：Olivia Tsang
服裝：Blanc de Chine and Hogan
化妝及髮型：阿麗
場地提供：好酒好蔡
|
鍾意就快D Share啦！
|
|
|
