網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年1月16日 星期一

【王祖藍真識食】人妻李亞男自爆喺屋企冇底線 __,祖藍,李亞男,王祖藍,

岑麗香、李亞男同苟芸慧三位「處女黨」成員今日齊集新都城出席新春揭幕禮,三個女人一個墟,見面即有講唔完嘅話題,笑唔停口。問佢哋係咪好耐冇一齊合作?亞男話﹕「係呀,對上一次齊人都係香香結婚。」香香話﹕「我哋私人見多過工作見。」現場有人提議亞男叫老公王祖藍間公司開戲畀處女黨一齊拍,亞男即刻話﹕「都好喎,希望4個一齊拍嘢,希望係喜劇啦。」咦,乜唔係5個咩?亞男尷尷尬尬承認漏咗個,但就唔肯講係邊個。茍姑娘早 ...




其他影片:>>






岑麗香、李亞男同苟芸慧三位「處女黨」成員今日齊集新都城出席新春揭幕禮,三個女人一個墟,見面即有講唔完嘅話題,笑唔停口。問佢哋係咪好耐冇一齊合作?亞男話﹕「係呀,對上一次齊人都係香香結婚。」香香話﹕「我哋私人見多過工作見。」現場有人提議亞男叫老公王祖藍間公司開戲畀處女黨一齊拍,亞男即刻話﹕「都好喎,希望4個一齊拍嘢,希望係喜劇啦。」咦,乜唔係5個咩?亞男尷尷尬尬承認漏咗個,但就唔肯講係邊個。茍姑娘早前透露計劃推出嘅相集性感冇底線,咁人妻拍戲底線可以去到幾盡?李亞男話﹕「人妻都好多方面嘅,拍嘢要視乎場合,唔似喺屋企咁冇底線。」香香聞言即刻笑笑話﹕「咁我哋唔好拍屋企戲喇,咪安全囉。」香香老公強強嚟咗香港,問老公適唔適應?香香話﹕「慢慢嚟啦,我哋開始學煮簡單嘢食,好似雲吞咁,佢負責洗碗。我哋第一次喺香港過農曆年,好多嘢要學,以前逗利是,今年派利是,己經兌定五位數(金額)慢慢入利是。」記者叫兩位人妻快啲生BB,亞男話﹕「朋友都咁講,但雞年趕唔切。」而香香就話暫時未有計劃。

攝影﹕陳俊強 岑麗香、李亞男同苟芸慧三位「處女黨」成員今日出席活動 兩位人妻齊齊接近訪問
李亞男話喺屋企冇低線 岑麗香就話兌定5位數派利是

來源 source: http://s.nextmedia.com
鍾意就快D Share啦!