（新增影片）大劉劉鑾雄依家深居簡出，冇乜大動作，難怪大家對佢十幾年前嘅事依然好感興趣。不過大劉都費事理喇，健康要緊，且寧願擺番多啲心思照顧家人啦。之前本報影過身穿睡衣嘅大劉同甘比去深水灣道3號一個地盤視察(新聞連結： http://bit.ly/2hk8S4h )，幾有霸氣。噚晚大劉又着睡衣出動，由甘比陪同下到養和定期檢查。噚晚9點左右，身穿睡衣嘅大劉，縛件外套當披肩，右手拄着枴杖，左手捉實甘比，慢慢步出，明顯肥番啲，臉色精神都唔錯。短短路程大劉一直捉實太太手臂，除咗出門口之前同人揮手say bye嗰吓。雖然噚晚天氣都凍，但大劉都係睡衣一度，咁當然就唔係踢拖，而係着皮鞋，對鞋嘅size都預鬆咗，令大劉行起上嚟都舒服啲。上車嗰陣，簡直可以用健步如飛形容大劉，枴杖只係裝飾，大劉都冇用佢嚟借力。至於保鑣同司機亦一早ready晒白毛巾開車門，然後甘比先上車，再扶大劉，然後驅車返高士美道大宅喇。
| 採訪、攝影：吳耀輝、畢紹基 | | |
| | | |
來源 source: http://s.nextmedia.com
|
鍾意就快D Share啦！
|
|
|
