「宇宙最強」甄子丹近日忙於為主演西片四出宣傳，他讚荷里活制作事前準備功夫細微認真，卻對港產片工作模式有微言。談到剛完成王晶新片拍攝工作，子丹為求讓拍檔們容易投入集中，禁不住於片場發火鬧人﹗
畀人拎嚟做教材
子丹忙於宣傳新片《3X反恐暴族：重火力回歸》，日前抽空接受東網獨家訪問。對於自己再次在荷里活大片內「孭重飛」，他開心表示：「呢次同台前幕後相處好好，有好多動作指導都係我粉絲，試造型嚟打招呼已經好尊重我。佢哋話畀我聽當地有個新嘅動作特技公會，用咗我套《導火線》做教材，分析鏡頭擺位及動作設計。佢哋度動作會事先問吓我意見，所以有幾場戲嘅動作係我嘅構思，好有我個人風格。」
讚荷里活制作認真
子丹又大讚荷里活制作在準備動作場面拍攝十分仔細，即使拍攝危險場面亦不用擔心安全問題，他坦言港產片制度上倘有改善空間：「近年我覺得（拍戲）某啲位我哋係懶散咗嘅，絶對唔係有冇錢嘅問題，係工作態度係咪認真囉，好似我近排拍王晶新片，拍緊都仲聽到工作人員講嘢，反觀荷里活電影就好尊重演員演戲嘅情緒，一講roll機就真係全世界靜晒。當時唔係拍緊我嘅戲，不過我都忍唔住發火，叫全世界收聲，畀個演員集中投入。以前又試過拍戲開咗好長時間工，有工作人員問可唔可以先收工，咁係可以嘅，但睇你想要乜嘢質素囉。」
Keep住水準
子丹形容自己喜歡不斷自我挑戰，「產品」才能保持水準：「不過如果你問我，即使再睇番《殺破狼》、《導火線》等，我覺得仲可以再有進步空間。其實我嘅每一部電影，都有自己嘅影子在內，但我唔係操控電影，我深信電影係團隊合作成果，未來都想吸納更多嘅精英，我梗係唔介意同任何人合作啦。」
__________________________
想聽歌？想睇MTV？想了解本地Indie Band資訊
快啲click入「聲大夾樂」專頁： http://on.cc/musicon
|
鍾意就快D Share啦！
|
|
|
