正所謂人不可以貌相，你以為龜仙人係阿伯就好好恰呀？轉頭就畀佢打到上天花板；就正如你見到JisuBB，睇佢係醫院實習生、嬌嬌小小咁就想蝦佢？堅係買棺材唔知碇。個樣純過蒸餾水嘅Jisu Lee，皮膚白滑身材又好，玩健身時唔介意喪露事業線，但最驚人嘅係佢排朱古力腹肌，上到健身比賽台100%唔認得佢，個樣堅霸氣囉！
Jisu Lee依家喺南韓，甚至係亞洲都好紅，唔少台灣巴打，都覺得佢個樣甜到似周子瑜，我就覺得佢似我哋嘅鍾嘉欣BB喇！Jisu依家喺醫院做實習生，佢着住件醫院袍好正，好似搵到初戀一樣囉。但原來佢唔似得普通後生女咁，鍾意行街買衫，佢係Wannabez Fitness「比堅尼健身隊」嘅成員，仲玩埋比賽添，當佢剝咗件醫生袍，採到立立令咁上台嗰陣，JisuBB又有另一種味道，唔知你鍾意邊個佢呢？
東網體育同你追實體壇每個精彩時刻！
http://bit.ly/2ecTF2A
來源 source: http://hk.on.cc
|
鍾意就快D Share啦！
|
|
|
