下個月，林海峰與彭羚的大女林泳就滿17歲。跟兩年前還在箍牙的林泳相比，現在已長得亭亭玉立，眉清目秀，生得高佻的林泳更是天生一副明星相。
上年林泳去睇老豆嘅《是但噏》，當時她剛將頭髮剪去，一頭曲髮的林泳睇落更索，更有女人味，即時俾英皇、東亞𥄫中，一班高層都想向阿Jan埋手想簽其女兒做藝人。不過，彭羚復出無期，林海峰又怎會讓其他人簽林泳先。雖然林泳遺傳了媽媽的唱得DNA，就算很愛唱歌也不要指望可以加入娛樂圈。
就算有娛樂公司搵林泳客串又好，重金禮聘又好，從來沒有人可以過到阿Jan嗰關！更有人想搵埋阿Jan家姐林姍姍幫口，不過，姍姍一早知細佬性格！不用問阿Jan，已經叫啲人諗都唔使諗。
早前彭羚找以前唱片公司朋友聚舊，她戴埋兩個女一齊去數碼港公園，而彭羚的朋友則帶埋兩隻Poodle狗狗去。期間林泳不停追住狗仔氹氹轉玩，又踎低摸佢哋，玩得好鬼開心。而細女林清就好痴媽咪，玩到咁上下，仲伏喺媽咪大髀。至於彭羚，似乎睇住兩個女已經好滿足，又用手機拍低佢哋玩緊嘅開心樣。
依家唔止彭羚係咁俾人問復出，就連大女林泳都俾娛樂公司嘅人睇中，睇嚟咁多人打佢屋企班索女主意，真係令阿Jan好頭痛囉！
來源 source: http://s.nextmedia.com
|
鍾意就快D Share啦！
|
|
|
