掃呢頁CODE去手機

2017年2月1日 星期三

媲美維港煙花!丁子高落重本賀千嬅生日 __,丁子高,楊千嬅,千嬅,

氹得老婆咁開心,丁子高贏晒!後日!後日!後日2月3日就係楊千嬅43歲生日喇!未到正日老公丁子高已經送上生日驚喜,今日千嬅喺微博上載4張相,見佢拎住紮玫瑰花笑得勁開心,而老公就使出一招「迷魂箍」箍實千嬅,兩公婆笑容一致,真係愈睇愈有夫妻相。千嬅喺微博留言話呢個驚喜真係令佢「嚇一嚇」,又多謝老公畀嘅surprise!另一邊廂,丁子高就喺ig上載一輯煙花片,原來佢為咗慶祝老婆生日,特地準備咗媲美維港嘅煙 ...


氹得老婆咁開心,丁子高贏晒!

後日!後日!後日2月3日就係楊千嬅43歲生日喇!未到正日老公丁子高已經送上生日驚喜,今日千嬅喺微博上載4張相,見佢拎住紮玫瑰花笑得勁開心,而老公就使出一招「迷魂箍」箍實千嬅,兩公婆笑容一致,真係愈睇愈有夫妻相。千嬅喺微博留言話呢個驚喜真係令佢「嚇一嚇」,又多謝老公畀嘅surprise!

另一邊廂,丁子高就喺ig上載一輯煙花片,原來佢為咗慶祝老婆生日,特地準備咗媲美維港嘅煙花匯演,認真落重本!而片中亦都聽到好多千嬅同子高嘅朋友不停讚嘆「同維港差唔多」、「完全feel到你哋嘅True love」更搞笑嘅係有位親友大叫「今晚Torres多個妹妹」,而當中有一把細路仔聲相信係Torres嘅,就大讚煙花好靚,當然壽星女都有話「好掂呀」!丁子高仲喺ig留言話:「殺你一個措手不及⋯」睇嚟呢個surprise非常成功,連網友都話羨慕千嬅有個咁好嘅老公。嘩!未到正日已經收咁多驚喜,咁正日咪唔得掂!

__________________________

想聽歌?想睇MTV?想了解本地Indie Band資訊

快啲click入「聲大夾樂」專頁: http://on.cc/musicon


來源 source: http://hk.on.cc
鍾意就快D Share啦!