舒淇早前發長文疑似同老公馮德倫鬧交，馮德倫澄清只係老婆好文采啫！
導演馮德倫出席品牌活動，婚後首次亮相公開活動的他隨即被記者恭喜太太舒淇懷孕，他笑說：「咁嘅謠言都好信，有嘅會話畀大家聽，依家應該唔係。（有冇計劃生小朋友？）我希望有。（商量咗幾時？）呢啲順其自然，我ready。（太太呢？）順其自然。」
情人節嗌外賣
談及日前舒淇在社交網發表長文抒發感情，當中講到「退讓總是會有極限的」（相關新聞： https://goo.gl/hJS6aD ），身為老公的馮德倫即被問到二人是否吵架？他說：「我太太非常有文采，有時睇完本書有感而發，大家唔使諗太多，我冇理由制止佢嘅文采，佢才華洋溢。（咁佢情人節有冇寫卡或詩畀你？）呢樣要做多啲嘅佢又冇喎。（咁點慶祝？）食飯，喺屋企睇電視。（太太下廚？）叫外賣。（點解唔叫太太下廚？）其實佢好叻煮嘢食，不過嗰日冇煮。（放佢假？）佢鍾意做咩就做咩。（互相送咗咩禮物？）唔需要啦，冇送。」再問到太太不染髮是否為「順其自然」計劃做準備？他即笑稱：「我仲多白頭髮啦。（有冇調理身體？）調理身體不嬲有做，最緊要順其自然。」
忙做後期製作
他續表示現忙為西片《俠盜聯盟》做後期製作，及為美劇《荒原》剪片，美劇將於三月十九日於美國上映，屆時便會忙宣傳工作。
來源 source: http://hk.on.cc
|
鍾意就快D Share啦！
|
|
|
