雪雪話要等到BB出世先知仔定女呀，咁神秘～
34歲「宅男女神」孫慧雪（雪雪）去年推出寫真集人氣急升，年底與圈外男友羅天彥拉埋天窗，她直言已完成人生重要的兩件事情，下一步是想生「雞BB」，自嘲「年紀都唔細」，至今日凌晨雪雪終於在網上宣布已懷孕三個月，可喜可賀！其實雪雪近期出席活動已明顯發福脹奶，但一直未肯承認有喜，到今日終於公布喜訊，計落她十二月舉行婚禮時已經有餡！
暫停拍劇
雪雪接受東網記者祝賀，她興奮地道謝，並直言初次懷孕相當緊張：「緊張呀！見到有BB嘅媽媽就會係咁問佢問題！（身體點？）平均每日嘔一至兩次，但都ok，因為聽過其他朋友更嚴重，老公好體諒，知道我好攰，成日叫我瞓覺。（想生仔定女？）冇所謂呀！都咁開心，我哋諗住唔問醫生仔定女，到時先知！」工作方面，大肚嘅雪雪表示會繼續網上工作，亦會間中出席公開活動，但就暫停拍劇。
有晒計劃一擊即中
講到婚後不久即「中獎」有何心得？心急想做媽媽的雪雪原來有晒部署，笑言首先要計準時間（意指排卵期），並說：「計咗時間之後，然後男方要食牛肉同生蠔，唔好飲酒，咁就容易有！哈哈哈！」
來源 source: http://hk.on.cc
|
鍾意就快D Share啦！
|
|
|
