前DJ洪朝豐話寧願繼續食藥，因為曾經停藥而病發，真係好恐怖！
前DJ洪朝豐與著名作曲人林敏怡，搖身一變成為打坐靜心老師及自然療法醫師，兩人將攜手於3月初在中環藝穗會舉行兩場《靜心。能量。音樂會》，敏怡笑說：「佢吹雞呀嘛，我咪應囉！」兩人日前接受東網專訪，懂得多元能量療法的林敏怡坦言早年曾被人攻擊，甚至指她妖言惑眾，但她成功用能量治療法幫助到繼母及患癌症初期的老公，她說：「幫助屋企人、摯愛、朋友已經好美麗、好開心。」
寧願繼續食藥
早已考獲自然療法醫師資格的她笑說：「我費事畀人話我無牌行醫。」問到敏怡可會為洪朝豐治療鬱躁症？敏怡坦言：「要佢主動提出呢個要求，我唔會追住一個人畀治療佢，一定要嗰個人準備好先可以令件事發生。」洪朝豐卻表示寧願安於現狀：「如果食藥可以控制到繼續食。」
破壞性極強
洪朝豐坦言早年曾因種種原因停過藥，一年內便鬱躁症復發入院，要接受強迫性治療，在醫院隔離病房住了22日，他說：「我係唔會再畀自己去博。」雖然有不少很高修行的朋友提供不同的療法代替藥物，但他都婉拒：「我唔想再一次停藥，因為喺我生命裏面經唔起再一次病發，每一次病發對我嚟講係破壞性好強嘅悲劇，最恐怖係人人覺得你有病，但佢覺得係人哋有病，對一個唔知自己有病嘅人，你要佢接受治療係好困難。」
病發狂送禮畀人
洪朝豐自言病發時會好慷慨、好鍾意送禮畀人：「發病期間，你睇世界同其他人唔一樣，所有同你持相反意見嘅人都係敵人。病發時可以搞到眾叛親離，喺經濟上一無所有。以我係公眾人物為例，所受嘅殺傷力更大，要一世食藥，都有掙扎過，尤其係我經常被人標籤係精神病人之類，但我叫做食住藥控制住唔會復發，我都唔敢話我好番。」
來源 source: http://hk.on.cc
|
鍾意就快D Share啦！
|
|
|
