2017年2月25日 星期六

【馬場成焦點】吳婉芳買廁紙都俾人笑:我唔想影響到身邊人 __,吳婉芳,

吳婉芳的師奶生活,除了照顧三個小朋友,也會唱K。以前吳婉芳曾進軍樂壇仲拎過獎,但現在即使唱K,也是好友梁佩瑚邀請她一起唱。上月26日吳婉芳接受梁佩瑚錄音訪問時,細談生活日常:「同你唱下K啦,學佛啦。」談到不少同期藝人都紛紛復出,吳婉芳表示除非為慈善,否則完全不會考慮復出。吳婉芳無意間提到與慧妍雅集原來早已沒再合作,曾任會長的她表示是因為道不同。「因為我諗……有啲嘢大家配合唔到,所以……我咪走咗囉。 ...


吳婉芳的師奶生活,除了照顧三個小朋友,也會唱K。以前吳婉芳曾進軍樂壇仲拎過獎,但現在即使唱K,也是好友梁佩瑚邀請她一起唱。上月26日吳婉芳接受梁佩瑚錄音訪問時,細談生活日常:「同你唱下K啦,學佛啦。」談到不少同期藝人都紛紛復出,吳婉芳表示除非為慈善,否則完全不會考慮復出。吳婉芳無意間提到與慧妍雅集原來早已沒再合作,曾任會長的她表示是因為道不同。「因為我諗……有啲嘢大家配合唔到,所以……我咪走咗囉。」至於傳媒訪問,更是一概謝絕。「因為我唔想有人見到我囉。因為我唔想高調。其實之前真係唔認得我0架,唔係舊年定前年俾人認得咗之後,我係靜咗好多年,好舒服。」但因為偕夫到馬場拉頭馬,結果「被點相」。「我係好平靜生活,係好好……譬如我鍾意去街市,好開心,反而依家,就好似怪怪地。同埋我年紀大,我五十歲喇,依家廿零卅歲嗰啲,真係唔知我係邊個0架嘛,佢太細呀嘛,25歲嗰啲應該唔知,我25歲都結婚囉。」「依家俾人認得番,我覺得好自由。我鍾意坐地鐵,去下茶餐廳,簡簡單單,同啲細路逛下,去下學校,我覺得幾好吖。但依家…我唔想影響到身邊人。去買餸,如果你著得『wer』啲,俾人影到,你又唔知人哋點寫你喇。」「有次我去超級市場買米、買廁紙,記者影到我,仔女話:『點解你要買咁多?點解你要去超級市場?我話:『吓?我係一個正常人,正常人係要去超級市場0架喎!我唔可以撻下隻手指變出嚟,我又唔識魔術。我真係一個正常人,我都要食飯瞓覺去洗手間,點解你哋唔俾我去超級市場呢?真係好奇怪。」「我都好想喺街邊篤魚蛋,但我真係唔夠膽,我驚影響到我先生。佢見到會話:『點解咁樣0架?』以前我先生就連我著牛仔褲落中環佢都會話:『點解咁樣0架?』因為中環好多人0架嘛。後來佢都屈服,俾我著牛仔褲波鞋,佢自己都著。因為我都係一個正常人嚟0架嘛,我有選舉權,我都要納稅,我都係一個正常人嚟0架嘛,點解我唔可以做正常人嘅嘢?但係俾人影到,我都係覺得弊多於利,我會影響到身邊好多人。」


來源 source: http://s.nextmedia.com
鍾意就快D Share啦!