做埋心心手勢，知你鍾意唱歌喇！
藝人劉佩玥（Moon）出席元宵節活動，她還即席大唱情歌給觀眾聽，齊慶賀中國情人節。問到是否有興趣當歌手？她說：「等公司安排，我係好鍾意唱歌，由細到大都有彈琴，中學有寫歌，依家努力學唱得再好啲，我對做歌手係有興趣。」她又表示歌手好友張彥博及何雁詩均有傳受唱歌秘訣給自己，教其如何運氣和收尾音靚啲。
自稱冇男仔約
至於西方情人節有何約會，Moon即表示已佳人有約：「我約咗另一個姊妹去旅行，依家仲計劃緊，我哋係好即興睇吓去邊，上次都係好即興同陳瀅、何雁詩去大阪，今次就同王子涵去，睇吓佢畀咩驚喜我，我每次去旅行都唔睇旅遊書，鍾意捐窿捐罅去搵嘢食，今次會跟佢嘅行程。（咁有冇男仔約你？）冇呀，連我細佬都唔約我，好慘，我嗲哋媽咪就自己去拍拖，所以好lonely，我除咗兩個「老婆」陳瀅、何雁詩，就得王子涵，佢成都話佢先係皇后Queen，佢哋兩個只不過係娘娘。」更謂現時沒有拍拖應多陪好姊妹。
來源 source: http://hk.on.cc
|
鍾意就快D Share啦！
|
|
|
