掃呢頁CODE去手機

2017年2月20日 星期一

【遺傳病被嫌棄】曾臨門一腳被悔婚 C君傷完搵豪宅做愛巢 __,C君,

原名鄭詩君嘅C君,現年33歲,佢同陸永喺02年以hip-hop組合「農夫」出道,啲歌唔係話唔得,但捱咗5年,到07年同堪輿學家麥玲玲合唱《風山水起》唱到街知巷聞,人氣同曝光率先有改善。C君唱得作得,又試過出散文集,做主持、司儀瓣瓣掂,個人鬼鬼馬馬咁,佢同陸永喺節目中寸爆鄭裕玲(Do姐)人氣急急升,加上近年又開拓埋演戲呢條路,吸埋吸埋唔少fans支持。不過,C君嘅人生並唔係咁順利,患有中海貧血症嘅佢 ...


原名鄭詩君嘅C君,現年33歲,佢同陸永喺02年以hip-hop組合「農夫」出道,啲歌唔係話唔得,但捱咗5年,到07年同堪輿學家麥玲玲合唱《風山水起》唱到街知巷聞,人氣同曝光率先有改善。C君唱得作得,又試過出散文集,做主持、司儀瓣瓣掂,個人鬼鬼馬馬咁,佢同陸永喺節目中寸爆鄭裕玲(Do姐)人氣急急升,加上近年又開拓埋演戲呢條路,吸埋吸埋唔少fans支持。不過,C君嘅人生並唔係咁順利,患有中海貧血症嘅佢,要終生定期到醫院輸血,佢唔單止個身「傷」,心都好傷,於2010年12月,C君宣佈將於2012年7月迎娶拍拖6年嘅圈外女友Gloria,雖然兩人曾多次離合,期間C君亦同林珊珊女兒西瓜拍過拖,但佢話都係覺得Gloria最適合自己,終決定。當年只有27歲嘅C君用咗10幾萬買咗隻一卡幾鑽戒求婚,仲打算32歲做爸爸,拍檔陸永謂會以一個月人工做人情。(新聞連結: http://bit.ly/2kAYSWW )點知到翌年(2011年)有傳Gloria嫌棄C君有地中海貧血症,驚會遺傳畀下一代,突然悔婚出走,同年11月,C君承認同未婚妻分手個幾月,仲話分手初期有喊。(新聞連結: http://bit.ly/2lXf2Kz )雖然C君緋聞確係少,但唔代表冇女埋身,佢同港台DJ女友黃天頤拍拖已經逾兩年,舊年仲有傳C君有意買貝沙灣海景豪宅做結婚愛巢,仍未達嘅佢,舊年由西貢南圍嘅村屋,搬到去荃灣「壹號九龍山頂」千呎單位,就係為咗畀女友住好啲。

(資料圖片) C君經常帶畀人歡樂,但佢人生好似唔係太歡樂。(資料圖片) 農夫同Do姐合作後,曝光率同知名度大大大提升。(資料圖片)
同麥玲玲嘅合作亦係一個經典(資料圖片) C君現任女友黃天頤(右)係港台DJ,喺上月個頒獎禮度,仲有份做司儀。(資料圖片)

來源 source: http://s.nextmedia.com
鍾意就快D Share啦!