掃呢頁CODE去手機

2017年2月8日 星期三

話係女友喎!林作處男填詞冧Carman __,林作,

林作好進擊吓喎!「十優港姐」麥明詩舊愛林作被傳勁冧女子組合Bingo隊長Carman,兩人齊出席春茗時,高過林作半個頭的Carman全程被林作「mark實」,全晚二人形影不離,更排排坐食晚飯及影大合照,無懼緋聞炒得更盛,林作更口快快以「我女朋友」稱呼Carman,搞到女方笑不停!作品被Ban據知,林作為早日奪得Carman芳心,自薦為Bingo的新歌作詞,歌詞更相當肉麻:「睇得上你己經係你最大福氣 ...


林作好進擊吓喎!

「十優港姐」麥明詩舊愛林作被傳勁冧女子組合Bingo隊長Carman,兩人齊出席春茗時,高過林作半個頭的Carman全程被林作「mark實」,全晚二人形影不離,更排排坐食晚飯及影大合照,無懼緋聞炒得更盛,林作更口快快以「我女朋友」稱呼Carman,搞到女方笑不停!

作品被Ban

據知,林作為早日奪得Carman芳心,自薦為Bingo的新歌作詞,歌詞更相當肉麻:「睇得上你己經係你最大福氣,請別再給我表現得不三不四」及「已經打開心扉默默靜候着你」!追女追到出晒面,問到Carman林作為他獻出處男填詞,Carman笑住直認:「係呀,上次拍微電影時,佢知我哋搞緊新歌,就主動話幫我哋首歌填詞。(公司有冇要份歌詞?)冇呀,我哋首係廣東歌,但好似國語歌啱用啲,或者留番下次」

Carman嫌老土

問到對肉麻歌詞何感覺?Carman笑住話:「有小小作嘔囉,不過都寫得幾好,有文采,我都有少少感動。(佢憑歌寄意?)佢第一次填,(歌詞)有啲老土,佢鍾意着中山裝!」問到可接受林作做男朋友,她自言雖不介意男友比她矮,但不願做林作女友:「做朋友就ok!」問到其他Bingo成員可呷醋林作只對Bingo好?成員Odilia笑住話:「好驚,好瘋狂。」又謂不會呷醋,因她喜歡:「高大同大隻嘅男仔!」Carman再爆林作行「經理人政策」,指林作連她的經理人也不放過要約飲茶,她說:「林作話要同我經理人搞好關係喎,我經理人都覺得煩。」

而Bingo的所屬公司天盟娛樂老闆顏培意透露公司新一年大計,除將簽新歌手外,還會投資電影及演唱會,將會獨資8位數字拍網絡電影及大電影,其中網絡電影演員有Bingo、天堂鳥等,好友孫耀威也會客串。旗下的內地歌手楊斯捷將和丹麥樂隊Michael Learns To Rock合作歌曲,兩個單位還會展開巡迴演唱會。

__________________________

想聽歌?想睇MTV?想了解本地Indie Band資訊

快啲click入「聲大夾樂」專頁: http://on.cc/musicon


來源 source: http://hk.on.cc
鍾意就快D Share啦!