掃呢頁CODE去手機

2017年2月8日 星期三

【煮意粉過冷河洗鹼水味?】 雷頌德老婆:我沒有說過意粉是用鹼水造的 __,雷頌德,

Mark嫂梁家玉日前教煮意粉,結果因提到意粉有鹼水味,引起網民極大迴響。(資料圖片)雷頌德曾讚老婆煮嘅肉骨茶係全世界最堅。(資料圖片)只要有心,人人都可以係廚神!模特兒出身嘅雷頌德老婆梁家玉(Jade),係城中靚太兼潮媽,煮得一手好菜嘅佢,早排喺電視煮食節目《閨密教煮》教煮餸,成為新一代煮食達人。Jade之後再出烹飪書,又話會自製飲食節目,又話目標去國外進修藍帶廚藝課程,成功由model轉型做型格 ...




其他影片:>>






雷頌德曾讚老婆煮嘅肉骨茶係全世界最堅。(資料圖片)

只要有心,人人都可以係廚神!模特兒出身嘅雷頌德老婆梁家玉(Jade),係城中靚太兼潮媽,煮得一手好菜嘅佢,早排喺電視煮食節目《閨密教煮》教煮餸,成為新一代煮食達人。Jade之後再出烹飪書,又話會自製飲食節目,又話目標去國外進修藍帶廚藝課程,成功由model轉型做型格飲食界icon。不過,就算係飲食界廚神,都偶有失手時……噚日Jade就喺網上教煮意粉,點知就被網民洗板討論,因為Jade話自己煮意粉,會習慣先過冷河,原因係自己鍾意爽口感覺,最重要,係辟意粉陣鹼水味?!雲吞麵有鹼水味,我知;但意大利粉都有鹼水味?唔少網民都有相同迷思如下:

--唔係會痴到一patpat咩?意粉小麥做,咩成份會有鹼水味?

--可能Mark嫂煮錯油麵!

--意粉有鹼水味??雷頌德太太實在太攪笑!攪到我食緊晏都要cap圖。

--過冷河 ... 佢以為煮出前一丁咩?

--佢煮前有用洗潔精洗啲意粉,咁咪有梘(鹼)味囉,我估……

咁究竟,意粉有冇鹼水味?真係要問過Jade先知!.而雷頌德老婆就回覆《蘋果》問關於呢件事,佢話:「我沒有說過意粉是用鹼水造的。我個人習慣是只有新鮮的意粉,我才不會過冷河,其他在外面買的,經過脫水處理的,我也會過冷河,因為我不喜歡那種濃濃starchy味道,而當時我又想不起starchy的中文,對我個人來說那就像鹼水的味道,所以我用了『鹼水』來形容那種味道,真的有點『蝦碌』。若這句引起大家誤會,謹此致歉!」(Jade完整回應連結: http://bit.ly/2ljFSJ0 )


來源 source: http://s.nextmedia.com
鍾意就快D Share啦!