阿Sa嘅𤓓事，有冇人試過？
女星蔡卓妍（阿Sa）啱啱同媽咪去完外地旅行返港，插足電嘅佢精神十足，正準備全程投入工作。呢日阿Sa趁住仲有少少空閒時間，即去搵醫師修理吓副「機器」以保持運作暢順！
之後阿Sa喺Instagram上載一段片，片中見到佢趴咗喺個治療儀器上治療腰脊，見到佢條腰同下身跟隨住儀器郁動左搖右擺，好似機械人一樣。阿Sa留言話覺得好好笑，笑笑吓仲爆埋自己啲𤓓事出嚟：「物理治療 #其實我笑咗好耐 😂😂😂😂 #點解成日啲搞笑野（嘢）都發生係我身上 例如 #行街撞燈柱 #睇櫥窗撞玻璃 #上錯人哋架車 等等😂😂😂😂 #我阿媽都唔明 #我嘅人生好搞笑」
估唔到阿Sa平時咁蝦碌，仲要上錯人哋架車又真係誇張咗啲！網友見到阿Sa咁搞笑，都留言話：「哈哈哈！你葛（嘅）人生有不一樣葛（嘅）精彩」、「超科幻動作片，火星搖搖板」、「促進血液循環，好玩呀！做完係咪精神哂呀！」
來源 source: http://hk.on.cc
|
鍾意就快D Share啦！
|
|
|
