容祖兒同劉浩龍(師兄)喺2012年6月22日，被《蘋果》獨家踢爆「祖師戀」，同日師兄開腔承認戀祖兒。不過，呢段感情似乎一開始就不被祖兒老闆楊受成睇好，當日記者到英皇追訪祖兒，期間見到楊受成離開公司，被問到係咪贊成愛將祖兒拍拖？佢拋下一句﹕「佢鍾意我就鍾意。」之後就離開。之後楊受成又再折返公司，佢專登係大廈側門落車，然後企喺街頭同記者傾足15分鐘。對於祖師戀，楊受成話﹕「最緊要祖兒開唔開心，對方係咪真心鍾意佢，我哋都開心，錫佢嘅人開心，佢啲歌迷都開心，希望對方錫佢係冇其他目的。」言語間似暗寸有人公開戀情係攻心計，質疑有人居心叵測。楊受成多次強調希望祖兒揀到真正伴侶，並對師兄搶先爆戀情有微言，佢狠批話：「對方好笨，咁早件事未穩健，感情未成熟就講出嚟。」可覺師兄博宣傳？楊受成質疑話：「佢有乜嘢目的，我唔敢講。」祖師戀是否太高調，佢話：「如果佢珍惜，O依家開始階段唔應咁早講，我覺得有少少鹵莽。」
| 楊受成聲稱唔會干涉祖兒拍拖，卻狠批師兄好笨。(資料圖片) | | |
| |
來源 source: http://s.nextmedia.com
|
鍾意就快D Share啦！
|
|
|
